Hvenær tekur það enda

Ég er ekki eins hress og ég sagði í morgun, ég er bara hundlasin með beinverki, hálsbólgu (veðja á kokka), hita og gríðarlegt hormagn sem virðist annars vegar fast ofaní lungum og hinsvegar upp í haus DAMN. Var sprautuð við flensunni svo ég geri nú ekki ráð fyrir að þetta sé hún en líklega hefur einhver önnur pest vantað girnilegan (minn er það mjög allavega í pestaraugum) líkama og því komið sér fyrir. Nei nú segi ég STOPP.

Fórum samt snemma út í morgun við mæðgur og renndum í bakarí og vöktum svo mæðgur í Einholti með matarglaðningi. Síðan var farið á rúntinn og bærinn skoðaður og endað á því að fara í Keiluhöllina þar sem ís var snæddur og tekinn einn þythokkíleikur sem ég auðvitað vann enda andstæðingurinn 5 ára og skyldi ekkert í látunum í þessari kellingu Hafnaði því að spila annan leik við þennan geðsjúkling..skil ekkert í þessu.  Vorum komnar heim um kl 13 og þá var litla genið orðið ofsalega þreytt og steinsofnaði eiginlega strax og svaf í 2 tíma, jibbí þýðir að það verður stuð frameftir kvöldi.

Skaust aðeins í Bónus áðan og gat á engan hátt tjáð mig á kassanum, afgreiðsludömunni ábyggilega fundist ég afspyrnu dónalega að bjóða ekki góðan dag, ég gerði það það heyrðist bara ekki, reyndi að brosa í staðinn en úr varð held ég hin agalegasta gretta:) En fór svo upp í Hlíðarfjall að sækja Brynju og vinkonu hennar en þær voru búnar að vera á bretti í ca 5 tíma og fóru svo eiginlega beint í sund, dugnaður ójá.

Katla hangir núna með jólasveinahúfu á hausnum og handklæði ofaná sér í sófanum og horfir á DVD á meðan mamman bíður eftir að brauðið sem hún henti í ofninn bakist, já konur þurfa að sinna heimilisstörfunum þó svo að veikindi hrjái þær, hefur nú aldrei klikkað. Hlakkaði svo til í morgun að fá að liggja og horfa upp í loftið en nei einhverra hluta vegna klikkaði það..en svona er lífið og það er jú bara þannig.

Best að fara að athuga með brauðið, kannski er það að verða komið út úr ofninum

Ofursjúlli kveður algjörlega mállaus 

Athugasemdir

[Hildur (IP-tala skráð) 9.4.2009 kl. 19:33]

já gæskan, móðurhlutverkið þýðir vakt allan sólarhringinn, allan ársins hring, sama hvort maður er hress, óhress eða hreinlega fárveikur. Alltaf er maður móðir þrátt fyrir það. Hjúkrunarfræðings/sjúkraliðahlutverkið getur maður sagt skilið við klukkan eitthvað ákveðið en ekki móðurhlutverkið. Merkilegur andskoti þessi skipting kynhlutverkanna. En svona er þetta en maður hefur val ;) Að vera á vaktinni sáttur þó maður þurfi að vinna öll verkin sjálfur eða vera á vaktinni ósáttur, við að hinn á vaktinni skuli alltaf skrópa í vinnunni. Cést la vie/svona er lífið. Láttu nú líta á þig áður en þú verður komin um koll með streptokokka, betra að skófla í sig einum fúkkakúr en að vera flatur án þess að geta verið flatur...skiljú ;) kv H

[Móðir, kona, sporðdreki:), 10.4.2009 kl. 03:57]

Hefi betur hlustað á þig og farið í gær. Sit hér og er að drepast í hálsinum, segi nú bara helvítis fokking fokk og ekki orð um það meir, fer á eftir:)