Gleðilegan þjóðhátíðardag

Reyni að skrifa smá hérna þrátt fyrir að ég hafi kött liggjandi á lykalborðinu, búin að grýta honum x 3 í burtu en hann kemur alltaf aftur, fyndinn hann Ronaldó. Rignir hérna alveg linnulaust, sem er auðvitað mjög gott fyrir akurinn minn, þarf þá ekki að fara að vöka á morgun, en arfaslæmt fyrir fötin sem hanga úti á snúrum og ég ætlaði að nota á morgun, hugsa að ég geri það ekki því ekki nenni ég út til að bjarga þeim

Búin að vera að drepast í kviðnum í 2 daga s.s. hægra megin með svona rafstraumsskotum, hlýtur að fara að lagast. Hef eiginlega ekkert gert nema þrífa í dag finnst mér, fór ekkert út í dag til að skoða lífið bara nennti því ekki. Katla fór með pabba sínum í labbitúr í morgun og svo aftur eftir hádegið, en á meðan fór ég að þrífa sameigina í Smárahlíð okkar systkina, ekkert að seljast andskotinn hafi það....

Horfi núna á tv með öðru auganu á myndina Dís sem er leiðinlegra en allt sem leiðinlegt er, var reyndar áður búin að hlægja mig máttlausa af stelpunum og næturvaktinni þvílík snilld, get ekki beðið eftir Fangavaktinni hef líklega lélegan húmor bara.

Hlaupabrettið stendur hérna í stofunni og bíður eftir að ég hendi mér á það á morgun, sem ég mun gera alveg hiklaust og spretta svona 5-6 km, búin að hlaupa 11 km þessa vikuna og er nokkuð ánægð með það bara. Ætla að byrja á morgun með matarræði danska kúrsins til að ná af mér þessum kg sem ég vil að fara til að ég sé sátt. Gaman að því, geri s.s. ekki annað næstu daga en að borða.

Katla búin að vera ergileg í dag og eru það tennurnar sem eru að fara með hana greyið.

Allir úti núna, Brynja niður í bæ með vinkonum, Rakel niður í bæ með vinkonum, Eyþór niður í bæ með vinkonum haha nei segi svona veit ekkert hvar hann er, kannski uppi á Súlum, já eða niður í fjöru..hvað veit maður::)

Vantar enn sófa og ísskáp og eldhúsborð og stóla...einhver..

Ætla að fara að lesa inni í bæli fljótlega eða leggja kapal í tölvunni

OFursjúlli kveður illt í kviðnum