Hvað er að gerast!!!

Hafði samband við eiganda íbúðarinnar minnar í gær til að fá lykla að geymslu og hún sagði mér bara að sækja þá til leigjendanna þeir vissu að ég myndi koma. Ég þangað, sá þá labba inn í Smárahlíðina, fór inn og dinglaði en þeir svöruðu ekki...allt er þegar þrennt er og kom einhver sá asnalegasti gaur til dyra sem ég hef séð, var alltaf að blikka mig og kalla mig vinkonu *æl* En allavega þá afsakaði hann sig með því að hann væri að flytja út um helgina og hvort hann mætti hafa lyklana fram á fimmtudag til að klára að tæma geymsluna..jújú ég náðarsamlegast leyfði honum það enda ætla ég ekkert að gera fyrr en á föstudag:) En samt sögðu eigendurnir mér að ég gæti ekki fengið hana fyrr en 3 júlí því þeir gætu ekki flutt út fyrr en 1 júlí og þau þyrftu að gera hreint...en samt eru þeir að flytja út um þessa helgi. Eitthvað loðið hér og ég er að reyna að ná í fasteignasalann...

Gott veður í dag, eiginlega bara algjör tær snilld en agalega heitt þegar maður er að vinna svona við að baða, kófsveittur inni á baði og svo kófsveittur þar fyrir utan líka en yndislegt bara, enda er ég í skemmtilegustu vinnu í heimi

Fékk leiðindafréttir í gær ein frænka mín föðurmegin lést í gær, nokkrum árum eldri en ég. Svona getur lífið verið skrýtið og oft á tíðum ranglátt. 

Þeir deyja ungir sem guðirnir elska, verður alltaf meira og meira illt af þessari setningu, ef guðirnir elska unga fólkð svona mikið afhverju vilja þeir að það deyji í staðinn fyrir þá sem aldraðir eru og vilja gjarnan deyja...já 

OFursjúlli kveður - verum góð hvert við annað, alltaf... 

Athugasemdir

[Lilja Hrund (IP-tala skráð) 24.6.2009 kl. 14:23]

Þessi setning "þeir deyja ungir sem guðirnir elska" fer mjög illa í mig. Það fær mig til að hugsa hvort gamla fólkið sé ekki elskað. En já við vitum ekki hver er næstur, þannig að munum,,verum góð við okkur og aðra..!

Knús á þig frænka*

[Erla Björk (IP-tala skráð) 24.6.2009 kl. 16:31]

Algjörlega sammála þér með þessa setningu, hún er ekki að gera sig. Enn og aftur minnir þetta okkur á að morgundagurinn er ekki sjálfsagður og maður verður að nýta hvern dag í að rækta sjálfan sig og alla sem manni þykir vænt um:)