Ég vakna oftast þreyttur, varla með sjálfum mér:)

Kominn með lykil af geymslu í hendurnar þannig að á morgun bretti ég ermar klárlega upp að enni og skelli mér í kassaburð, og varningspökkun Gamli kallinn sem lét mig hafa lyklana var með svo stórt og myndarlegt gat á sokknum sínum og út úr gatinu var tá (eins og gefur kannski að skilja með fætur) og hann var með allavega 1 cm langa og ljóta og þykka nögl þar á. Var að hugsa um að benda honum á að ég væri nú OFURsjúlli og ynni í heimahjúkrun og gæti nú kannski fengið mér smergel og minnkað þennan fjára, en ákvað nú að vera ekkert að skipta mér af Hann sagðist verða fluttur út á laugardag þannig að líklega fæ ég íbúðina afhenta á réttum tíma.

Náði í Steypusögun Norðurlands sem ætla að koma og gera mér tilboð þegar ég fæ íbúðina í niðursögun á vegg...jájá..gaman að því. Er að fara á morgun og sækja RISAstóra borðstofuborðið mitt og stóla, líklega dálítið stórt en það komast nú nokkuð margir við það til að eta og það er fyrir mestu, verður ekkert eftir af eldhúsinu þegar það verður komið innhef það bara á pallinum mínum ef allt annað bregst eða brýt bara fleiri veggi Ekki vandamálið

Er komin í 4ra daga helgarfrí og næ vonandi að hvíla mig gasalega vel eða þannig, vinn svo á þriðjudag frá kl 8-14 í heimahjúkrun og kl 15-23 á Hlíð jájá engin slökun. Fæ svo aukingu í haust og verð þá að vinna alla daga til kl 15 nema föstudaga verð til kl 12 þá:) Gaman að því.

Er með kvef dauðans og ef ég fer ekki að hætta að snýta mér enda ég eins og Mikki jakkson með holu í miðju smettinu, en ég myndi nottlega láta smíða á mig nef og það ekkert smá trýni

Katla fór í fjöruferð með leikskólanum í morgun og hafði mjög gaman af því skyldist mér. Brynja var að vinna til að verða kl 18 og á æfingu kl 19 en er í fríi á morgun frá bæði vinnu og æfingu. Við fyrrverandi hjónin settum niður áðan og hentum hnífum og skærum og döllum í hvert annað..hahaha yeah right neinei vorum bara að setja niður hvernig við skiptum því, hentum engu, gerðum þetta í mesta bróðerni bara en það verður eins og frænka mín orðaði það "léttir.is" þegar þetta er búið, jibbí skibbí:)

Get mig varla hreyft fyrir strengjum þar sem ég lyfti í gær fyrir neðri hluta og greinilega teygði ekki nógu vel á og það er svo vont að hreyfa sig, dúdda mía, hljóp samt 4 km í dag á rétt rúmum 20 mín og lyfti svo í 20 mín og gerði 150 magaæfingar I am good.......4 x í þessari viku, Súlur here I come:)

Ruglstund í boði OFURsjúlla lokið í bili

Ofursjúlli kveður bráðum í Smárahlíð  

Athugasemdir

[hildur (IP-tala skráð) 26.6.2009 kl. 14:43]

Æi, lagðiru álög á Michael Djakksonn, hann dó rétt eftir að þú minntist á hann í færslunni hér að ofan. Vó, ekki tala um mig og mína!!!!!! kv H