Allt mögulegt á seyði

Var búin að blogga helling en hviss, bamm, búmm bara fór..helvítis fokking fokk skyldi Davíð hafa verið að ritskoða hlutina eitthvað.Nei segi svona.

Búin að fá svínaflensusprautuna fékk hana í gær og ég er að drepast í handleggnum, vaknaði svo í nótt með hálsbólgu og beinverki, gúllaði í mig verkjapillu og þá skánaði það en er svo að steypast yfir mig aftur, spurning hvort það er vegna sprautunnar eða bara einhver pestardrulla nóg er víst af þeim núna.

Katla fór til pabba síns í morgun, var í roknastuði í gærkvöldi, fórum með tölvuna í rúmið og nammi og kókómjólk og góndum á eina mynd, fórum svo aðeins fram til að dansa og svo að sofa. Vaknaði svo við að litla dúllan segir "vatnaðu mamma sjáðu út um dluggann, skoppa og skrítla" haha reynir allt til að maður opni bæði augun Var svo hress og kát hér í morgun og fór með pabba sínum um kl 11 ímorgun en þá lögðumst við Brynja niður hálfpunkteraðar og horfðum á mynd. Brynja búin að vera hálflasin alla vikuna með hálsbólgu og kvef, en samt mætt og líka unnið dálítið mikið og alltaf verið að hringja hana út í aukavinnu, allsstaðar veikindi. Er að vinna núna og verður að vinna eitthvað fram á nótt en fær vonandi frið á morgun veitir ekki af að hvíla sig smávegis.

Þoli ekki sjónvaroið hjá mér núna, skjárinn er alltaf að frjósa og svo hringdi ég í símann og þeir sögðu mér að endurræsa allt draslið en það frýs samt helvítis fokking fokk, hringi í þá aftur á morgun foxill.

Mig langar í nammi en nenni ekki út að sækja það, ekki að ég er sko alveg búin að borða nóg af því í dag en alltaf getur maður á sig nammi bætt eins og gamalt máltæki segir:)

Vinavika að byrja í vinnunni á mánudaginn og ég er á fullu að hugsa um hvað ég eigi nú að gera fyrir vin minn sem er ....hahah segi ekki fyrr en eftir vinavikuna. ÞArf að leggja hausinn í bleyti verulega vel.  Er svo agalega hugmyndasnauð þegar kemur að svona.

Helvítis fésið virkar ekki hjá mér alveg sama hvað ég geri, en ef ég fer inn á Brynju tölvu þá virkar það skrýtið ekki satt en ég hef enga skýringu á þessu, vildi að ég væri tölvunörd þá væri nú lífið magnað því hvað ætli ég sé oft skapvond vegna tölvunnar hmmm nokkuð oft.

Er að fara að útbúa nokkrar myndir úr listaverki sem Katla gerði og setja í ramma og upp á vegg, vantar reyndar sög, gleymdi að fá hana hjá Hildi áðan, maður verður nottlega að eiga sög eða hvað, maður notar hana kannski einu sinni á ári ef maður nær því:)

Ætla að fá mér eins og eina verkjatöflu og athuga hvort ég fari ekki að svífa

Ofursjúlli kveður í vímu 

Hversu lífið getur verið skrýtið

Búin að afreka býsna margt í dag, koma öllu sem þarf í greiðsluþjónustuna, fara með pabba í búðir og flensusprautu, fara í búð og kaupa krem á Kötlu, þrífa hérna lauslega, þvo nokkrar þvottavélar og hengja upp, fara í eina heimsókn, fara og sækja köttinn minn á fyrrverandi heimilið mitt, sleit lyklana loksins af fasteignasalanum sem er með mömmu íbúð á sölu ...og svo margt annað jasvei. 

Margt sem brýst um í kollinum á mér í dag, sumt gáfulegt annað ekki, sumt gleðilegt annað ekki. Maður á líklega ekki að velta fortíðinni of mikið fyrir sér það veldur bara vonbrigðum held ég en maður gerir það samt. Kvíði sumum hlutum í framtíðinni sem ég ætla svo sem ekki að fara að tíunda hverjir eru hér, en hef gengið í gegnum slíkt áður og það var erfitt þá  þrátt fyrir að aðstæður hafi verið allt öðruvísi og held það verði ekki auðveldara núna.  Maður á held ég bara ekki að hugsa heldur lummast í gegnum lífið er það ekki bara. 

Sef frekar illa á nóttunni veit ekki hversvegna, er ekki kvíðin eða slíkt né stressuð en eitthvað er að angra mann í undirmeðvitundinni. Líklega er maður samt kvíðinn enda kannski skrýtið ef maður væri það ekki miðað við hvernig landið manns er í dag. Vil sjá alla þessa kalla sem komu okkur í þetta rassskellta opinberlega og þá meina ég rassskellta á beran rassinn í gaddi og kulda, og síðan leyfa þeim að hanga úti í kuldanum og krókna. Ég er ekki í raun svona illa innrætt bara er að gerast núna að einhver illska sækir í mig held ég. Mörg gamalgróin fyrirtæki að fara á hausinn, fólk að missa vinnuna og allt í einhversskonar brunarústum, þetta er ekki mér að skapi. Skítt....

Farin að huga að jólagjöfum, gef ekki margar í ár, hefur fækkað um helming það er svo sem kostur. Gef stelpunum 3, dætrum Hildar og Hildi, pabba og eitthvað á heimili hjá bró og stóru sys, litla frænda gef ég smá og svo frænkum mínum í borginni og svo gef ég fyrrverandi eitthvað enda ætlum við að eiga jólin saman með stelpunum okkar þremur:) Verður bara gaman að því, finnst það líka gott að enginn missir af því hvað Katla verður brjál í pökkunum haha mig hlakkar lúmskt til, hún er allaf voða svekkt ef einhver á afmæli og fær pakka en hún ekki þannig að það mætti segja mér að verði stuð á henni. En mér finnst þetta gaman bara að gefa gjafir. Hlakka til að fara að finna út hvar ég ætla að troða skrautinu mínu, nóg er til af því allavega:)

Ætla að fara að dúndrast af stað og sækja stóra barnið 

OFURsjúlli kveður gríðarlega hugsi í dag

Mikið líður tíminn hratt þessar vikurnar

Dagarnir hendast áfram, það kemur mánudagur og svo finnst manni bara vikan búin hviss, bamm búmm og maður skilur ekkert. Verður komið sumar áður en maður veit af aftur og enn. Hélt að þetta væri bara ég þar sem oft er sagt að manni finnist tíminn líða hraðar eftir því sem maður sjálfur eldist en þegar unglingarnir eru farnir að tala um þetta þá er eitthvað að

Helgin liðið í mikilli leti, enda Katla búin að vera haugkvefuð og því ágætt að kúra bara inni og leika sér, svo í morgun steyptist hún út í einhverjum skrítnum útbrotum sem hafa svo versnað hægt og sígandi í dag, og undir kvöld var hún farin að finna til í þeim, ekki klægja heldur meira svíða. Greyið sé til hvernig hún verður í fyrramálið læt hana vera heima ef hún er eitthvað ómögleg, ekki með hita en svona svolítið þvöl í allan dag og vildi alls ekki vera í fötum. 

Fórum smá bíltúr með Hildi og dætrum í dag en það var líka allt og sumt fórum ekkert annað út, algerir innipúkar enda ekki lítið sem maður er búinn að úða í sig af mat dúddamía, en svo tekur harkan við aftur á morgun bara no problemos:) 

Bakaði bollur og bjó til heitt súkkulaði handa stelpunum mínum í morgun, Katla reyndar hafði enga lyst frekar en á öðru um helgina en Brynjan mín var glöð að fá að næra sig þegar hún vaknaði. Eyþór kom svo aðeins seinnipartinn með ís handa stelpunum og fékk sér smá næringu áður en næsta vinnutörn hófst. Gladdi Brynju helling með smá fréttum og vona ég bara að það gangi upp::) Katla ætlar svo að fara aðeins til hans á morgun ef hún verður hress, held ég verði að fara með hana til læknis ef hún verður ekkert skárri held ég. 

Var svo séð á föstudaginn að byrgja mig upp af góðu lesefni á bókasafninu og er núna að lesa nýjustu bókina hans Henning Mankell og hún er bara spennandi, ætla að fara fljótlega og lesa bara inni í bæli, nenni ekki að horfa á tv og Brynja skrapp út á rúntinn þannig að líklega bara kemur sængin til með að heilla fljótlega. Letin var svo mikil að ég nennti ekki einu sinni í búð til að kaupa bleyjur á barnið þannig að núna á hún bara eina bleyju fyrir fyrramálið þannig að eins gott að hún fái ekki magakveisu eða eitthvað í nótt damn, skal aldrei gera þetta aftur haha, ætlaði að renna til Hildar og fá eins og eina lánaða en sofnaði auðvitað með Kötlu þannig að ekki virkaði það algjörlega hmmm

Brynja fór í vörutalningu í Byko á laugardagsmorgun og ætlaði ég svo með pabba í Byko rétt fyrir hádegi og vorum við komin að dyrunum á Byko þegar ég fattaði að það væri jú lokað (bræt manneskja), Katla varð svona hundreið við systir sína fyrir að loka Byko og tautaði það alla leiðina heim, svo þegar Brynja kom sagði litla stýrið "Bynja lokaðir þú Byko" haha bara snilli var mjög móðguð enda finnst henni mikið gaman að fara þangað þar sem það eru innkaupakerrur eins og bílar og situr hún við stýrið þegar við förum þangað haha

Best að hætta þessu bulli og fara að lesa Mr. Mankell

OFURsjúlli kveður þreyttur á Íslandi 

 

Daglega lífið

Fór í gær og fjárfesti í nýjum prentara handa okkur mæðgum, ekki séns að eiga ekki prentara þegar skólastelpa er á heimilinu og svo líka þarf maður að prenta út nokkrar ljósmyndir og svona, tók mig 2 tíma að koma honum inn því ég nennti ekki að lesa leiðbeiningarnar en þegar ég loksins las þær voila tók það enga stund. Ekki í fyrsta skipti sem ég sleppi leiðbeiningum:)

Brynjan mín er að gera sig í MA tók próf í íslensku og fékk 9,2 og var efst í bekknum Erum við að brillera já aðallega hún samt haha en finnst ég eiga smá í þessu með henni, er nú mamman hennar:) Keyptum í Stíl svona dæmi til að setja á vegg setning á frönsku "La vie est grande"  sem þýðir "lífið er yndislegt" og vorum að dunda okkur við að setja það á vegginn hjá henni áðan og gekk svona skafið hjá okkur kellingum:)

Katlan spræk sem lækur, fór í gær og keypti dót handa henni, gelluskó, armbönd, tösku, hringi og eyrnalokka og svo eitthvað svona til að skrifa á dæmi. Hún var rosa kát með þetta í smá stund en bað svo um að fá skálarnar og sleifarnar ahhahaha og fór að elda bara, snillingur:)  Þegar ég fór á baðið í morgun heyri ég hana kalla "esskan mín hvar ertu esskan mín" inni á baði svaraði ég, kom hún í dyrnar og sagði "esskan mín hvað ertu að gera hér" snillingur. "Mamma hvar eru tush tush mitt" ha "æi mamma tush tush" hvað ertu að meina "tú veist tush tush" nei elskan mamma skilur ekki, hvar er þetta...."mamma ég veit það ekki" maður getur varla haldið andliti þegar þessar samræður fara fram...alltaf að koma með eitthvað nýtt þessi snillingur...

Síðasti vinnudagurinn á morgun og svo 4ra daga helgarfrí verður nú gott að fá frí svona langt, sérstaklega afþví að þegar maður vinnur svona mv - kv á sama deginum þá gerir maður eiginlega ekkert nema vakna og sofna svo og er bara ótrúlega þreyttur þó svo að þetta séu ekki langar vaktir, þannig að eg á alveg inni gott frí finnst mér allavega Byrja daginn á morgun með því að okkur er boðið á þorpsstöðina í morgunkaffi til skrafs og ráðagerða þar sem við í heimahjúkrun eigum að sjá um skemmtiatriði á Litlu jólum Hakara þetta árið...jájá ég er með fullt af hugmyndum, er alveg hafsjór hugmynda....

Mig langar að læra meira svo ég fái meiri peninga, reyndar alveg sama þó maður læri meira til að fá meiri peninga því það verður bara tekið af manni með hærri sköttum og svoleiðis bulli einhverju, er alvarlega farin að íhuga landflótta svei mér, væri það ekki málið í eins og 2 ár bara, koma svo tilbaka tja maður spyr sig, kostir og gallar......

Búin að lesa bókina "Karlmenn sem hata konur" og þvílík ævintýranleg snilld ég segi ekki annað algjör snilld, hlakka til að lesa bók nr. 2 sem heitir stúlkan sem lék sér að ...man ekki..

OFURsjúlli kveður þreyttur.... 

Helgartörn á enda

Þá er maður búinn að vinna helgina, bæði kv og mv vaktir báða dagana, skal viðurkenna að ég er ótrúlega þreytt þrátt fyrir að þetta séu ekkert erfiðar vaktir þannig, en 6 vikur í að ég vinni svona næst og þetta er bara gaman Enda er ég þekkt fyrir að elska vinnuna mína og ég geri það.

Fór með pabba á milli vaktanna í dag og fjárfesti kallinn sér í nokkrum gallabuxum og svo klippti ég hann og hann setti í staðinn vetradekkin undir Polo alveg klassa skipti. Annars er ég á síðustu metrunum að þola þennan bíl sem er djellubíll en hina stundina bara óþolandi bíll. Honum þykir svo vænt um mig að hann vill stundum ekki sleppa mér og læsir mig því inni eins og í gærkvöldi þannig að ég endaði með því að skríða út um gluggann en sem betur fer þá er ég ekkert mjög stirð og klukkan var orðin doldið margt þannig að ég vona að enginn hafi séð mig, er pínu marin eftir þetta en so:) Fyndið eftir á en ekki á meðan á því stóð, pabbi nestaði mig með eitthvað sprey sem ég ætla að prófa að dúndra inn í hurðina, en þetta er búið að vera margra ára vandamál með bílgreyið haha...

Er búin að liggja yfir bókinni Karlmenn sem hata konur og vá hvað hún er góð, fannst hún algert rugl fyrst þegar ég byrjaði á henni en þegar á líður verður hún svo spennandi, vill nefnilega ekki sjá myndina fyrr en ég er búin að lesa bókina.

Loksins bar vinnuumsóknasýkin í okkur Brynju árangur og hún er komin með vinnu á Greifanum við uppvask til að byrja með, gæti gefið henni ágætan pening á mánuði verður samt ekkert að vinna mjög mikið til að byrja með en kannski bætist við:) Vildi endilega fá að vinna eitthvað sjálf og fyrst hún treystir sér til þess strax með skólanum er það gott mál, hún á að byrja á morgun, er reyndar orðin haugkvefuð en hristir það af sér fljott og vel ef ég þekki hana rétt:)

Katla mín kemur til okkar á morgun og mig hlakkar svo til, ætla að fara að föndrast með henni á morgun og fara að koma pínu stemnara í liðið....

Ætla að fara að sofa

OFURsjúlli kveður sáttur við guð og menn 

Síðasti dagur í næsinu

Sem betur fer, á morgun byrja ég í 90% vinnu og veitir ekki af, úff veit ekki hvernig maður meikar þetta þennan mánuð en sem betur fer kemur maður svo sem ekki til með að svelta og það er fyrir mestu ekki satt.

Í þessum mánuði verður stóra barnið mitt Sweet sixteen merkilegt hvað tíminn líður rosalega hratt, dúddamía man allt eins og það hafi gerst í gær og mér finnst ég varla degi eldri en þá en ég er nú alveg 16 árum eldri, einu sambandi eldri, einu hjónabandi eldri, einum sambúðarslitum eldri, einum skilnaði eldri, móðurlaus, einu barni ríkari, einum árekstri eldri, einum hálsáverka eldri, tveimur fallegum frænkum eldri og margt margt fleira þannig að ýmislegt hefur gerst skal ég segja ykkur jahérna, engin lognmolla í kringum mig, merkilegt hvað við mæðgur erum í dag. En hún er svo vel lukkuð þessi fallega stóra stelpa mín, gengur vel í skólanum, gengur vel í fótboltanum og allt sem hún tekur sér fyrir hendur gengur bara vel hjá henni...uuuuu nema að taka til í herberginu sínu bwahaha verð þokkalega kýld fyrir að láta þetta hérna

En svona er þetta, var á fundi í morgun og fer á annan kl 16 en ætla að taka Kötluna bara með mér ef hún vill koma þannig að það er ekkert mál, annars ætlar systir hennar að vera með hana í slöppun hérna heima.

Er að breyta matarræðinu hjá mér og tek út allan viðbættan sykur og bætti inn helling af próteini og síðan þarf ég að sofa mikið minna, fer að sofa á milli 23 -24 á kvöldin og ég er vöknuð kl 05 alveg spræk og er alveg spræk allan daginn, sýnir hvað sykur getur gert mann slappan, en borða að sjálfsögðu nammi á laugardögum en líður alveg illa á eftir úff verð eins og slytti. En ég finn ekki fyrir að mig langi í nammi eftir að ég jók próteinið bara gott.....

Best að fara að lesa smá stund áður en ég skutlast upp í MA og svo á fund

OFURsjúlli kveður smá áhyggjufullur 

Er útlönd ekki bara málið?

Hvað myndi fólk halda um það, er ekki málið bara að skella sér til útlanda t.d. Noregs og hætta í bili að búa hérna á þessari aumkunarverðu og illa stjórnuðu eyju, tja maður spyr sig. Gæti vel hugsað mér að vinna í Noregi og það sem meira er þá er ekkert mál fyrir sjúkraliða að fá vinnu þar og hvað þá sjúkraliða með framhaldsmenntun já sæll....henda sér í að læra norskuna sem snöggvast og láta bara vaða, ja ég myndi ekki hugsa mig um tvisvar ef ég væri ein en hugsa mig alveg um tvisvar vegna stelpnanna minna sko en þetta væri snilld held ég að prufa eitthvað nýtt og svona...en ég er svo sem með góða vinnu og er ekki að fara að missa hana þannig að maður kannski ætti að hafa sig hægan bara.

Var spurð um daginn hvort það væri kreppa hjá mér og ég svaraði að kreppan væri eflaust verri hjá mörgum öðrum en mér, sem er eflaust rétt en vá hvað ég er að verða rosalega reið yfir þessu ástandi hérna, allt kostar svo mikið en launin hafa ekki hækkað neitt hvernig er hægt að ætlast til þess að maður standi á báðum fótum þegar svoleiðis er, ekki veit ég það.

Kláraði að prjóna ulllarsokka á Brynjuna mína í gær og ætla að gera eins á Kötlu ekki veitir af að eiga nóg af sokkum, geri svo kannski eina á mig líka aldrei að vita:) Ætla svo að fara að hekla mér jólahjörtu og meira að segja er ég að fara að undirbúa það að gera jólakortin, ágætt að byrja á þeim snemma enda lítið annað að gera á kvöldin, Katla ætlar sko að hjálpa mér, augun í henni stækkuðu margfalt þegar hún sá gullsjóðskassann með öllu jólakortaefninu þannig að mætti segja mér að hún eigi eftir heldur betur að taka til hendinni.

Fórum í gær og fórum í snjókast, henni fannst það sko ekki leiðinlegt var jafn öflug og mamman með snjóboltana eða þar til hún flaug á hausinn þá var gamanið búið og við fórum heim, elduðum okkur svo dýrindis svínakjöt í kvöldmat með tilheyrandi, en ég elda aldrei á kvöldin á virku dögunum þar sem þær fá heitan mat í hádeginu en elda svo um helgar og eitthvað svona eðal á sunnudögum

Kvíði svo fyrir að fara til læknis í dag að ég er með hnút í maganum en það tekur fljótt af sem betur fer og ég vona að ég þurfi ekki til hennar aftur krossa bara putta með það. Vaknaði með svo óhræsis hálsbólgu í morgun sem er reyndar horfin að mestu núna þannig að það er frá í bili..Drepast í öxlunum af hreyfingaleysi og sé ekki fram á að það breytist í bili allavega en koma tímar koma ráð ekki satt, hugsa að ég þurfi bara að fara að komast í sjúkraþjálfun þarf að ræða það við dr. Pétur.

Best að hendast í sturtu og hengja upp úr eins og einni þvottavél og sækja svo dæturnar, Brynja ætlar að passa litla genið á meðan ég hendist til doktors.

OFURsjúlli kveður með kvíðahnút í bumbunni.... 

Hvít jörð

Gaman að vakna í morgun og sjá hvað allt var hvítt og fallegt, dalaði aðeins gleðin reyndar þegar ég fór að hugsa um að ég er með bíl á sumardekkjum, því ég þarf jú að keyra slurk í vinnunni minni, en þetta fer fljótlega. Ætlum samt mæðgur út að moka á eftir. Katla bað um að fá að fara út á pall áðan og ná í snjó í skál og bað alltaf um eitthvað sem ég skildi ekki, ég var búin að giska á skeið, ausu og hvað eina, nei hún vildi fá "ausutetur" skeið með löngu skafti sem hún hefur mikið dálæti á:) Snillingur

Fór frekar seint að sofa í gærkvöldi en þegar hún fór að sofa var hún með þórsarabuff á hausnum og sólgleraugun mín á nefinu og var aldeilis sátt með þetta

Búin að vera að drepast síðan á föstudagskvöldið úr magabólgum en sem betur fer þá átti ég pillur síðan síðast, og tók þær og er allt önnur í dag, greinilega þoli ekki margan mat í maga, en eldaði svo í gær kjúllarétta með tikka masala sósu og bakaði Nan brauð, Elín og Viðar komu svo í mat og það stóðu eldtungur út úr okkur öllum, hrikalega sterk eitthvað þessi sósa..haha hafði keypt þetta áður en aðra tegund greinilega því hún sveið alveg niður í rasssss...Katla sem elskar allt sterkt henni meira að segja ofbauð og sagði að þetta væri rosalega "súrt" ekki alveg með þetta á hreinu:)

Dagurinn í gær var bara alger letidagur, Katla nennti ekki út og ég var mjög fegin því ég var alls ekki í standi sjálf og dormuðum við hérna allar mæðgur og bara vorum spakar í gær. En í dag ætlum við að fara út að moka snjó og vígja snjógallann  hennar Kötlu og nýju stígvélin sem ég var að fjárfesta í

Fer upp á FSA á morgun að hitta hana Ragnheiði kven...átti að koma aftur til hennar eftir krabbameinsskoðun og vonandi ákveður hún eitthvað hvað á að gera núna, þetta er enn til staðar þannig að ..Finnst vera endalausir fundir og eitthvað núna, fundur á þriðjudagskvöldið á Holtakoti veit ekki alveg hvort ég kemst á hann, fundur á miðvikudagsmorgun og annar kl 16 á miðvikudag í vinnunni, dúddadúdda....svo er ég að vinna tvöfalt um næstu helgi og er ekki alveg að nenna því en núna er ég komin í 90% og við urðum að hafa þetta þannig svo ég næði þeirri prósentu, en það eru ekki allir sem eru að fá aukningu á vinnu á þessum tíma sko fleiri að missa vinnuna en hitt.

Ætla að fara að baka kannski bollur og bjóða dætrum upp á heitt kakó með í kuldanum, nenni held ég ekki að baka neitt annað en sé til.

OFURsjúlli kveður þreklaus eitthvað.

"Stjáni" bara gott lag með þingeyskum hálvitum:)

Mæli með þessum disk þeirra, er búin að hlusta hann algerlega í tætlur því sem næst, þetta lag er samt í sérlegu uppáhaldi Ásamt mörgum öðrum.........

Ekki margt að gerast hjá manni annars, þetta venjulega vinna og sofa og slaka á, litlan mín hjá pabba sínum núna og ég ligg bara og chilla eins og mín er von og vísa þegar hún er ekki heima, fór í heitt og langt bað áðan og náði mér í bókina "karlmenn sem hata konur" á bókasafnið þannig að ég er góð

Fékk voða skemmtilegt hrós í vinnunni minn í gær frá deildarstjóranum, alltaf gott að fá að heyra þegar maður er að gera góða hluti það yljar manni og ég sem hélt ég gæti ekki elskað vinnuna mína meira en ég geri Á orðið svo mikið af góðum vinum á meðal gamla fólksins, það er líka svo þakklát, koss á kinn og stroka um vanga segir manni að maður er að gera svo góða hluti.....:)

Brynjan mín er ofsalega ánægð í MA og er núna að læra, týnir reyndar lyklinum sínum af skápnum í skólanum aftur og aftur, veit ekki hvar þetta endar, allt í lagi núna held hún hafi verið með þær bækur sem hún þarf fyrir morgundaginn en rest er læst inni haha. Hún er að fara á lokahóf fótboltans í kvöld þannig að ég verð bara ein og yfirgefin og ætla kannski að demba mér út að skokka ef leggir leyfa það. Skokkaði um helgina og fékk svona déskoti yndislega beinhimnubólgu svo ég hef með herkjum getað labbað, hitti svo dr. í dag og ákvað að spyrja hann út í þetta hvað ég gæti gert "hættu bara að hreyfa þig" bwahahaaha hann er snillingur kallinn. En ég ætla nú að reyna aftur, þoli bara ekki að hlaupa á malbiki, verð að fara að koma mér inn á stöð við tækifæri fyrst enginn vill gefa mér hlaupabretti:::)

Munaði engu að við Brynja værum drepnar hérna áðan af mannageitungi, hann var svo stór að hann var næstum jafnstór og við haha smá ýkjur í gangi. Hann elti okkur og ég er ekki að grínast, ég var með eiturbrúsann og náði að spreyja á hann og þá snerist hann við og elti okkur djösss ógeð, en hann dó kvalafullum dauðdaga sýndist okkur og endaði förina í ryksugunni...dúddamía hélt næstum að þetta væri mitt síðasta, en eins og fólk veit þá eru svona dýr ekki ofarlega á vinsældarlista okkar mæðgna...

Best að fara að lesa bókina góðu með leggina upp í sófa með kælibökstrum á er víst mjög gott...

OFURsjúlli kveður elskar alla menn já ok eða bara suma

Hakk og spagetti, hakkbollur, lasagne, pottréttur, ofl.ofl.

Þokkalega sem maður er búinn að vera duglegur í dag. Vinna í morgun, bjó mér svo til 17 kg af hakki í frystinn seisei já, svo tók ég allt til hérna og skúraði og mér fannst ég bara eiga skilið að fá Thule en þar sem ég drekk ekki þá fékk ég mér bara kjúklingabát Katla er hjá pabba sínum og núna höngum við mæðgur hérna undir teppi og glápum á Kurt Wallender í Tv er reyndar búinn núna og allir á leið í beddann.

Brynja hringdi í mig í dag og spurði hvort ég nennti að sækja sig upp í Vaxtarrækt en hún var að keppa í Bandí með bekknum sínum jú ég hélt það nú, svo sendi hún sms og spurði hvort ég gæti gefið tveimur far jújú ég hélt það nú, þegar ég kom á RISAstóra Polobílnum mínum komu tveir 2ja metra slánar og tróðust í aftursætið haha og þar sem ég er með stólinn hennar Kötlu afturí þá var nú ekki beinlínis mikið pláss, ég hélt ég myndi fá kast Þeir pössuðu engan veginn í bílinn en mér tókst að koma þeim á áfangastað en án gríns hélt ég að Polo myndi ekki ráða við þetta bwahahahha.

Mígrignir hérna núna en í logni, bara huggó að hlusta á rigninguna með kertaljós og næs, hef ekki vakað svona lengi síðan 17 hundruð og eitthvað held ég

Pabbi minn átti afmæli í gær og fór ég í kaffisopa til hans og fékk fullt af góðum kökum og missti mig eins og venjulega í þær:) Fór í dag og keypti garn í sokka handa Brynju og ætla að byrja á þeim á morgun ef ég nenni. Annars ætlaði ég að fara upp á HAK og taka þátt í einhverri móttöku fyrir  Heilsugælsuna á Hú og sjúkrahúsið, veit samt ekki hvort ég nenni að fara, ætlaði að gera eitthvað allt annað á morgun en sé til kannski verð ég í stuði.

Best að fara og lesa eins og eina ástarvellu sem ég náði mér í á bókasafnið í dag, sofna ábyggilega vel eftir slíkar bókmenntir.

OFURsjúlli kveður þreyttur og þaninn