Helvítis fokking fokk

Er nú alveg komið að því að drepa fólk, hvernig á maður að fara að því að lifa. Er ekki ein af þeim sem get lagt bílnum og tekið strætó þar sem ég þarf að nota bíl í vinnunni...Ekki nóg með að maður getur varla fætt eða klætt börnin sín heldur er svo komið að maður fer líklega að missa vinnuna ef maður hefur ekki efni á bensíni. Ég er svo löngu komin með nóg af þessu djöfulsins rugli en það virðist engan enda ætla að taka. Á meðan eru útrásarvíkingarnir hvar!!! Spóka sig í útlöndum og koma svo með einhverjar lame afsökunarbréf, gerir lítið fyrir mig og minn fjárhag. Megi þetta lið kveljast því ég kvelst fyrir þeirra sakir..............

OFURsjúlli kveður á leið með allt til helvítis

Eldsneytið hækkar

Ljós í myrkri

Ef það má ekki kalla björgunarsveitir landsins það þá veit ég ekki hvað, þeir eru þeir sem halda öllu á floti hérna og stoppa alltaf og bjarga ALLTAF. Ég tek algjörlega ofan fyrir þessu fólki, þvílík þrekvirki sem það er að vinna við hrikalegar aðstæður og gera þetta allt í sjálfboðavinnu. Þetta er mjög óeigingjarnt fólk sem og þeirra fjölskyldur. Vona að þeir sem flækjast upp að eldgosi á brókinni einni saman liggur við og vola svo úr kulda sjái sóma sinn í því að styrkja björgunarsveitir landsins hvenær sem tækifæri gefst og hananú...

Skrýtið veður búið að vera hér á Akureyri í dag, í morgun mikil ofankoma og frekar leiðinlegt færi þegar ég fór að vinna, kl 12 by the way þegar ég var búin að vinna kom sól. Síðan núna er sól en hvessir reglulega og fylgir því snjóbylur, hvernig skyldi það verða þegar ég fer aftur að vinna kl 18 hmmm verður spennandi en eflaust verður það leiðinlegt atsjú.

Búin að vinna aðra vakt dagsins, fara í heimsókn, með pápa minn í verslunarleiðangur, fara sjálf í verslunarleiðangur, þrífa og skúra, þvo þvott og svo núna í restina ÉTA, matur er jú mannsins megin og ég gæti horast niður á notime ef ég fengi ekki eitthvað gott í bumbu. Fékk reyndar bara hollt í bumbuna núna:)

Katla mín hjá pabbanum sínum, fór á náttfötunum þangað í morgun mikið sport, ekkert vesen bara koss á mömmu og bless, frábært allt að koma:) Svo sæki ég hana aftur í fyrramálið en þá fer pabbinn að vinna og enn fær hún að fara á náttfötunum ekki lítið gaman:)

Pabbi bauð okkur öllum í mat á morgun, s.s. dætrunum og barnabörnunum og fyrrverandi tengdasonum sínum tveim, er þetta ekki magnað að allir geti bara verið vinir í skóginu það held ég nú, myndi sko ekki vilja hafa þetta öðruvísi, er á meðan er allavega:)

Best að fara að huga að því að fara í vinnu slappa af í 1 klst og síðan af stað

Gleðilega páskar allir sem einn

OFURsjúlli kveður í páskafíling 

Páskafrí með tilheyrandi

jæja þá er komið að enn einu fríinu ekki slæmt það. Er að vinna mv+kv á laugardag en svo aftur í fríi dásemdin ein. 

Hausverkur frá helvíti að hrjá mig, asnaðist til að borða jarðaber hjá Hillu sys í morgun og get því sjálfri mér um kennt, sjónin fór í fokk og allt var vonlaust um tíma, er ögn að skána. Eyþór kom og bauð Kötlunni okkar á rúntinn með sér og kemur einhvern tímann á eftir. Brynjan mín fór að dæma í fótboltaleik þannig að ég klúki hérna ein. Er að dunda mér við að prófa að breyta kjól i peysu, guð má vita hvernig það kemur út á endanum en er mjög gaman engu að síður.

Erum að hugsa um að bruna á Húsavíkina í fyrramálið og koma aftur seinnipartinn. Brynja kemst því miður ekki með því hún á fótboltaleik en fer bara með seinna.

Fór í gær á Holtakot þar sem Katla var að sýna dans með sínum hóp, reyndar vildi hún lítið dansa var miklu betra að kúra í mömmu fangi og gott bara með það.

Komið að því að ég megi byrja að hlaupa aftur og hlakka ég verulega til, ætla að skokka aðeins í kvöld þegar Katla mín er sofnuð, byrja rólega og koma mér í rútínuna aftur. Vildi að ég hefði pláss fyrir boxpúðann minn farin að þurfa að fá útrás fyrir ýmislegt og það er sko verulega góð leið til þess að fá útrás en því miður verður hann bara áfram niður í geymslu.

Keyptum páskaegg í gær og var Katla þvílíkt uppveðruð en við keyptum nr 7 handa Brynju í Nóa og stærsta Bónuseggið handa okkur Kötlu, gefum kannski pabba hennar lítinn bita þar sem hann ætlar að slappa af hjá okkur eitthvað á páskadag::) S.s. ég sef bara og læt hann hafa fyrir henni bwahahhaha

Hætt að röfla um allt og ekkert

OFURsjúlli kveður með hausverk frá helvíti 

Að nenna en gera ekki...

Vaknaði í morgun með mikla nennu til að gera eitthvað en svo settist ég niður og einhvernveginn þá er nennan enn til staðar en samt fer ég ekki af stað, hvað skyldi það eiga að þýða.

Allt á full swing í hausnum á mér, langar svo margt, en eins og fyrr segir þá einhvern veginn vantar driftina. Langar að flytja til Englands, langar að fara í háskóla, langar að skipta um vinnu, langar í gjörólíka vinnu, langar að prófa eitthvað andstætt öllu sem ég hef gert og bara endalaust eitthvað.

Gæti auðvitað slegið tvær flugur í einu höggi og flutt til Englands og farið í skóla þar, gefið skít í gamla ísland og kíkt hérna við sem túristi, en þá kemur spurningin er eitthvað grænna hinumegin? Held nefnilega ekki en hvernig veit ég án þess að prófa? Þetta er flókið apparat þessi haus á manni, mjög merkilegt og stundum bara frekar heimskulegt reyndar.

Ég hef ekki prófað margt, ég er auðvitað búin að prófa að fara í skóla, bara ekki háskóla, ég hef flutt, bara aldrei erlendis, ég hef skipt um vinnu, en enda alltaf í þeirri sömu. Hvað er að manni......

England er fallegt land, og gæti verið gaman að búa þar í eins og tvö ár og sjá til. Háskólinn á Akureyri er góður skóli, gæti verið gaman að fara þar í nám í Auðlindadeild, kúpla mig frá heilsugeiranum sem er bara ekki að gera sig launalega séð miðað við erfiða vinnu.

Ætla að gera eitthvað í hlutunum, markmiðssetning mín nær til eins árs til að byrja með, ég á lítið eftir í stúdentinn sem ég ætla að byrja á að klára, þá verða mér allir vegir færir inn í háskóla, maður er aldrei of gamall til að læra, nýtur þess kannski bara betur þegar maður eldist...Vinna í heimahjúkrun allavega árið sem ég er að klára stúddann og svo endurskoða ég það sem mig langar að gera. Þ.e.a.s. ef ég verð ekki komin á bæinn því ef þetta heldur svona áfram þá endar maður þar...

Kannski er ekkert langt í að ég verði OFURlíftæknifræðingur já sælir og gúddmoren

OFURsjúlli kveður leiður á klakanum 

Við dauðans dyr dramadrollan ég:)

Var að koma út frá skjólstæðingi þegar fer að sturtast blóð úr trýninu á mér, eins og skrúfað frá krana. Ég út í bíl, hringdi í Hildi og bað hana (öskraði í símann) að koma upp á Slysó. Keyrði þangað eins og geðsjúklingur og á meðan lak blóðið í fötin mín og snýtuklútana sem ég sem betur fer var með í vasanum og hafði vit á að ná í. Þurfti ekki að gefa upp nafn eða kt eða neitt bara í forgangi inn og Friðrik háls/nef strax kominn, og sogaði úr öllum götum sem hægt var og blæðingin stoppaði, var þarna í 40 mín ca en fór þá heim. Úff hvað ég var hrædd, þetta var ekki frá hálsi, og hann vissi eiginlega ekki hvaðan þetta kom en sagði mér að koma strax ef færi að blæða aftur :) En guð hvað þetta var vond meðferð í þessa stuttu stund. Vona að ekki komi meira...úff hrædd.is. Eins gott að þetta gerist ekki þegarg er ein heima með Kötlu eða eitthvað.... 

Katlan mín átti afmæli í gær og það var smá kaffiboð fyrir ættingjana. Katlan alveg á útopnu enda mjög þreytt í gærkvöldi. Fékk hárgreiðsludót frá okkur Brynju og núna s.s. er bara verið að greiða böngsum, dúkkum, fólki og köttum með hárblásara og skærum og krullujárni og hún skiptir alltaf um nafn þegar hún byrjar, hún heitir Íris þegar hún fer í þennan leik hahah. Bökuðum hello kittý köku handa henni og bleikar pönnsur frekar ógeðslegar en bragðgóðar engu að síður:)

Ætla að setja inn á morgun eða í kvöld nokkrar myndir af fallegu afmælisbarni og systur hennar:)

OFURsjúlli kveður pínu hræddur 

 

Laugardagur til lukku vona það....

Merkilegt maður fer í hálskirtla/nefkirtlatöku og ég hef sjaldan eða aldrei verið eins stífluð í andlitinu eða með eins mikið kvef, iss og ég hélt að ég myndi losna við allt svoleiðis. Er þokkaleg í dag en það er að hreinsast upp úr sárum og það er ekki það yndislegasta en held það versta sé yfirstaðið, ógeðsleg aðgerð segi og skrifa fegin að vera búin með þennan pakka.

Fór með stelpurnar mínar í svínaflensusprautu í gær, gekk eins og í sögu, Katla svona volaði aðeins en Brynja stóð eins og stytta og fann ekki fyrir þessu, fann mest til með systur sinni held ég. Svo þegar við vorum komnar út í bíl og á leiðinni heim sagði Katla "Sirrý má aldrei koma við mig aftur, þetta var vont og ég var ekki hugrökk" hún var eiginlega bara reið. Svo tautaði hún um þetta alla leiðina heima, tókum plásturinn þegar inn var komið og málið dautt haha snillingur. Var sagt að hún gæti orðið lasin í gærkvöldi og jafnvel svona upp á morguninn og eins með Brynju en veit ekki hvernig Katla var þar sem hún fór til pabba síns í gær og verður fram á mánudag:) Brynja fann ekki fyrir neinu nema smá eymslum í handlegg sem er einmitt frekar algengt.

Katlan mín á afmæli á mánudaginn og ég ætla að bjóða familiunni í kaffi eftir leikskóla svona smotterí eitthvað bara. 3jára úff mikið líður þetta hratt ekki langt síðan að hún var í bumbunni og hét Marteinn haha.  Spurði hana í gær hvað hana langaði í og sama svarið og venjulega kom "lest" hún er núna alveg á fullu að leika sér með bíl eða þá í hárgreiðsluleik og segist heita Íris haha en hún heitir það sú sem klippir okkur alltaf.

Brynjan tognaði á æfingu í gær og sat hérna með klaka á ökklanum í mest allt gærkvöldi en vona að hún verði betri í dag. Dugleg þessi stelpa algjör hlaupagikkur og stingur alla af í því, hef svo sem hlaupið með henni þegar hún ætlaði að koma mömmu sinni í form eftir fæðinguna og ég hætti hjá henni hún var svo kröfuhörð og ég næstum dáin haha snilld:)

Fékk smá "miss you mom" kast hérna áðan veit ekki samt afhverju bara alveg upp úr þurru, sakna þess að hafa kellu ekki nærri mér og stelpunum, en svona er það bara. 

Er að dunda mér við að prjóna mér háa sokka með köðlum verða held ég mjög flottir en kann ekkert að gera svona en vona að þeir verði nothæfir, ja ég verð í þeim sama hvernig þeir verða.

Vöknuð snemma eða um kl 7 bara eins og venjulega og búin að sitja með kertaljós og hlusta á Bylgjuna og prjóna, drekka kaffi og úða í mig nammi:)

Elín sys kom í gær og færði mér svo fallegt páskablóm sem ég get svo sett hérna út á pall í sumar, er víst útiplanta þannig að það er verður flott á pallinum.

Ætla að fara að horfa á eins og eina mynd í tv

Eigið yndislegan dag gott fólk sem nennir að lesa hjá mér

OFURsjúlli kveður  

Þessi fínasti dagur....

Jæja þá er maður búinn að skila skattaskýrslunni fyrir mig og Brynju, magnað eftir að það er eiginlega allt fært bara inn á þetta þannig að maður fer bara yfir og sendir svo, snilldin ein:)

Snúðurinn stunginn af niður á Munka, hélt hann væri hættur þessu en svo er greinilega ekki, hugsa að Eyþór verði bara að eiga hann ef þetta á að ganga svona áfram, ég nenni ekki alltaf að vera að sækja hann enda er þetta jú köttur sem hún Rakel Ýr á ef ég man rétt. Þannig að ég sæki hann á eftir ef hálsinn leyfir og síðan verður bara að koma í ljós hvað verður, nenni ekki að standa í þessu rugli trekk í trekk.

Opnir dagar í Menntaskólanum núna og mikið af fyrirlestrum og einhverju skemmtilegu eins og að fara í fjallið og sund og fleira. Brynja mín ætlaði í sund í morgun og einhver vinur hennar að grípa hana með en auðvitað svaf vinurinn yfir sig þannig að mamman út á nærfötunum og með verkjapillurnar í hendinni og brunaði henni í laugina, ekki hægt að leggja það á sig að vakna eldsnemma og fara svo ekki neinei Þannig að hún er búin flesta daga núna bara í kringum hádegið sem er flott.

Ákvað í gær að elda mér fullan pott af eðalsúpu með fullt af grænmeti og skinku og svona gúmmulaði, væri nú gott að eiga næstu daga. Er lengi að dunda við þetta sest svo niður og byrja að snæða en ljóskan ég kveikti ekki á perunni, ég er með opið sár í hálsi og þá borðar maður ekki karrýkryddaða og piparkryddaða súpu, sveið svo í hálsinn og runnu hér tárin úr augunum á mér, Hildur sys græddi eðalsúpu í kvöldmatinn í gær en ég sauð bara haug af hafragraut í staðinn og hann svínvirkaði...maður er jú ljóska á köflum..

Fallegt veður í dag, llggur í frostmarki sýnist mér, snilld enda ég ekkert á leið út:)

Pantaði loksins í Svínaflensusprautu fyrir dæturnar, fer á föstudag í hádeginu úff hvað mig kvíðir fyrir því, Kötlu er meinilla við lækna eða hjúkrunarfólk, Brynju líður yfir held ég því sem næst bara af því að sjá sprautu þannig að þetta verður virkilega spennandi dagur. Var búin að tvístíga þvílíkt mikið yfir því hvort ég ætti að fara með þær eða ekki, en held þetta sé það rétta eða ég vona það.

Best að halla sér aðeins inn í rúm og hvíla sig og lesa smávegis...

OFURsjúlli kveður allur í áttina 

Hversu mikið á að drulla yfir okkur "litla fólkið"

Hvar endar þetta Ísland? Endum við ekki bara sem eign einhvers annars lands sem kemur til með að knésetja okkur algerlega niður í skítinn. Hvernig fer "litli maðurinn" að því að lifa eftir að kreppan skall á, sem sumir vilja meina að sé ekki kreppa!!!! Ég hafði það ágætt takk fyrir áður en "ekki" kreppan skall á en í dag má ég þakka fyrir að eiga fyrir mat fram í miðjan mánuð..og eftir það er maður að éta hina ótrúlegustu hluti og raka saman klinki fyrir mjólk og ávöxtum en það er auðvitað ekki kreppa. 

Ekki var ég að fjárfesta mér í flatskjá eða öðru fyrir kreppu og ekki átti ég rándýr húsgögn eða rándýra bíla. Hvernig getur svo ríkisstjórnin haldið því fram að það séu einungis örfá % íslendinga sem eiga í verulegum vandræðum. Líklega er það vegna þess að hinir berjast við að borga skuldirnar sínar en eiga svo ekki fyrir salti í grautinn afganginn af mánuðinum, þannig að það kemur hvergi fram vegna þess að þeir ná að borga reikninga og vanskil því engin. Sá peningur sem ég fékk í arf eftir mömmu mína fór í útborgun á þessari íbúð og ég á þann pening ekki lengur því lánið hefur hækkað um þvísem næst þann pening þannig að...

Er að verða svo þreytt á þessu, ég persónulega myndi hafa það af ef ekkert óvænt kæmi uppá, bíll má ekki bila, börnin eða ég sjálf megum ekki þurfa til tannlæknis, enginn má veikjast eða þurfa til læknis, enginn má þurfa lyf, og helst má enginn þurfa föt. Þannig myndi ég ná að borga reikninga og eiga þá kannski fyrir mat út mánuðinn ef mjög vel væri haldið á spöðunum. Samt skulda ég ekki mikið miðað við marga, ég er með ágætis laun eða hefði verið með ágætis laun fyrir kreppu, matur hefur hækkað ja veit ekki hvað mikið en maður fer ekki í búð undir 5000 kalli, hrottalegt og reyni ég samt að elta tilboðin, bensínið eigum við að ræða það eitthvað. Ég er í vinnu sem krefst þess að ég sé á bíl svo ekki gæti ég skorið niður þar en ég keyri mjög lítið fyrir utan vinnu.

Svo spyr fólk mann hvernig gangi og maður segir bara eins og er, og í næstu setningu spyr sama fólk já og ætlarðu ekki að fara að fá þér nýtt sófasett eða nýtt sjónvarp. Getur fólk verið eitthvað vitlausara en þetta nei held ekki. Er bara komin með upp í kok. Er samt ekki að fiska einhverja vorkunn, þetta er bara svona hjá stórum hluta þjóðarinnar, það eru nokkrir sem voru búnir að koma sér upp heimili og skulduðu lítið og finna ekki þannig séð fyrir neinu og það er gott. ÉG vil sjá þá sem ollu þessu hengda á almannafæri og ef það gengur ekki ja þá allavega borga þetta til baka, það er að verða búið að setja okkur venjulega fólkið á hausinn og stendur ekki til að bjarga okkur neitt, sjálfsagt mál að fólk tapi því sem það hefur lagt ævivinnuna sína í og öllum stendur á sama nema hinu venjulega fólkinu.

Er foxill, spurning um að ræna banka. Ég var orðin svo leið á bankanum sem ég var í, var í greiðsluþjónustu þar og í henni voru tryggingarnar mínar, síðan kom að því að ég borgaði tryggingarnar sem var gott mal en þá vildu þeir að ég borgaði líka næsta ár, væri svo miklu betra fyrir mig að vera búin að því og ekki nóg með það heldur hækkuðu tryggingarnar um 45 þús á milli ára, ég sagði barasta nei ég ætlaði ekki að borga það líka, kæmi sér betur fyrir mig að borga það bara þegar þar að kæmi....það var allt orðið svona, þeir voru farnir að taka af reikningum hjá mér í tíma og ótíma án þess að ég gæfi leyfi fyrir því, eða að ég skuldaði þeim eitthvað. ÞAnnig að ég skipti um banka ákvað að gefa skít í þessa stóru banka og fór aftur í Sparisjóð Suður-þing sem var minn gamli banki. Þegar ég gerði það fór ég að fá reiðisímtöl frá þjónustufulltrúa mínum í hinum bankanum sem var með hótanir og leiðindi, þannig tækla þeir þetta.

Eg er fúl og hananú

OFURsjúlli kveður þegjandi 

Á bágt:(

Ég er ekki glöð þessa dagana, þvílíkir verkir sem fylgja þessari háls/nefkirtlatöku dúddamía. Fyrstu 3 dagarnir voru bara fínir en núna, á bara ekki til orð finn svo til að ég meira að segja felldi nokkur krókódílatár kannski voru þau meira svona "ég vorkenni mér tár" en ég græt ekki oft af sársauka og hananú. En þetta hlýtur að fara að taka enda trúi ekki öðru enda löngu komin með ógeð á klaka og því að drekka eplasafa.

Brynjan mín var aftur valin í byrjunarlið meistaraflokks til að leika á móti Val sem er Íslandsmeistarar gaman að því og mamman gríðarlega stolt. Verð að reyna að fara og horfa á hana leika annaðkvöld, díla við pabba eða Eyþór að koma og sitja hjá litlu þegar hún er sofnuð en ef hún verður ekki sofnuð  þá kemur hún bara með mér ja´ja:)

Brynjan mín var í prófum og stóð sig eins og venjulega rosalega vel var með 9,6 minnir mig í öðru og eitthvað aðeins minna í hinu hún er forkur þessi stelpa.

Katlan mín bað allt í einu um að fá að fara á koppinn einn morguninn og auðvitað fékk hún það, gerði ekkert í hann samt en fór samt á hann og það er afrek út af fyrir sig. Er byrjuð í kjölfarið á leikskólanum í koppaþjálfun og líka hér heima, fær límmiða á miða í hvert skipti sem hún fer á koppinn og svo kemur að því að eitthvað skilar sér í hann. Var nú samt virkilega úldin í morgun og harðneitaði að fara á hann sagðist vilja pissa í bleyjuna bara:) Er farin að reyna að stjórna og skal ég viðurkenna að henni gengur það mjög vel sérstaklega núna þegar mamman vill smá frið og eiginlega kaupir sér hann á köflum en það snýst við um leið og ég hressist:) 

Er að bíða eftir Hillu sys ætlum upp í Hrísó að skoða garn, vantar garn í háa sokka handa mér er svo mikil kuldaskræfa að ég verð að vera í hlýjum sokkum alltaf alla daga.

Best að fá sér einn viðbjóðs klaka og kíkja síðan í Hrísó

OFURsjúlli kveður með kökkinn í hálsinum 

 

úff þá er það afstaðið

Þokkalega fríður og ögn bjúgaður en bara krúttlegt:) Var ekkert nema grobbið í gær þetta væri nú pís of keik en það greinilega versnar þegar frá líður úff. En ekkert sem ég höndla ekki, hef nú verið með svæsna hálsbólgu býsna oft og enn sem komið er þá er þetta ekki mikið verra en maður er bara svo hræddur um að fari að blæða, en nóg um það, þetta er búið og nú er bara að taka því rólega því eins og hjúkkan sagði "þó svo þú sért heilbrigðisstarfsmaður þá ertu líka mannleg og þarf að hvíla þig" þekktir fyrir þetta þessir heilbrigðisstarfsmenn greinilega:)
Katlan mín kemur heim í dag og það verður gaman en pínu erfitt þar sem ég má ekki lyfta henni né beygja mig mikið, en við getum borðað endalausan frostpinna saman haha og legið á gólfinu og leikið jájá verður ekki vandamál svo er Brynja mín heima eitthvað líka.j

 

Gleymdi alveg að skunda á bókasafnið ætla að reyna að gera það í dag, verð að hafa eitthvað að lesa gengur ekkert annað sko. Nenni ekki einu sinni að prjóna þessa dagana en ætla nú að reyna að gera smá skurk i peysunni hennar Brynju.

Ætla fram held ég bara að næla mér í annan íspinna held það sé málið, át nú ekki nema 7 í gær og þá erum við að tala um frá kl 3-12 þannig að ég þarf líklega að sækja aukabirgðar í dag...annars finnst mér ótrúlegt hvað maður þarf að borga fyrir svona drasl. Ekki eins og ég gerði þetta bara til að gera þetta heldur vegna þess að ég var alltaf með sýkingar, en samt þarf ég að borga með lyfjum og öllu þá er þetta komið í um 50-60 þús hvað er í lagi með það, aðgerðin + heimsókn til læknis kostaði 33 þús og lyfin 20 þús og hananú sagði hænan og lagðist á bakið...Enda verður svelti restina af mánuðinu svei mér......

OFURsjúlli kveður kirtlalaus