Helvítis skítapakk

Enn og aftur, takið eftir enn og aftur á að skerða hjá manni. Ég er ekki tekjuhá en miðað við hvað tekjumörkin eru fáránlega lág þá verður þetta rifið af manni meira og minna. Díses hvað á að þurrmjólka mann lengi. Ég er að verða komin í þrot með að borga, í fyrsta lagi get ég það ekki, í öðru lagi þá get ég það ekki og í þriðja lagi þá eiginlega sé ég ekki tilganginn með því, maður rétt nær að draga fram líftóruna og þá er eitthvað skert og líftóran fjarar út. Ég er sammála manninum í dag sem var með skilti í sjónvarpinu og talaði á því um talibanastjórn. Við erum skorin á háls hægt og lífið murkað úr okkur á þann hátt, talibanar gera þetta hratt og ákveðið. Vildi gjarnan að ég hefði verið fyrir sunnan í dag með heilt hænsabú og grýta þetta lið. Ég er komin með nóg og það svo miklu meira en nóg.........

YFIRliði kveður gersamlega orðlaus..

Barnabætur lækkaðar

Kjarasamningar tilhvers!!!

Mikið spáð í undanfarið tilhvers eru kjarasamningar þegar ekki er verið að fara eftir þeim nema hjá þeim sem eru jú með lægstu launin þar er alltaf vísað í kjarasamninga. Var fyrir nokkru síðan t.d. ráðinn framkvæmdastjóri hér í Hofið og maður er búinn að heyra svo rosaleg laun sem hún er með eða um milljón á mánuði sem ég get hvergi séð að samræmist kjarasamningum (tek fram að ég er samt ekki sérfræðingur í kjarasamningum en miðað við launatöflur þá er hún töluvert langt frá þeirri upphæð sem þar er hæst). Bankastarfsmenn og þeirra laun eru t.d. dæmi um gríðarleg laun sem eru ekki í neinum takti við kjarasamninga ríkisins.  Það virðist ekki vera sama hvort þú ert Jón eða sr. Jón eins og sagt er. Veit um mann sem er með mjög langt háskólanám að baki en hann er bara með í fastalaun rúm 300 þús þar er farið eftir kjarasamningi. Mín laun eru samkv. kjarasamningi og svo núna eru kjarasamningar búnir að vera lausir í heilt ár en hvað haldið þið að verði gert, lítið sem ekkert enda auðvitað miklu meira metið greinilega að liggja yfir tölum heldur en að sinna lifandi fólki. 

Ísland er svo stútfullt af viðurstyggilegri spillingu að manni verður óglatt, þetta er orðið mafíuríki þetta annars fallega land okkar og það er dapurt. Þetta stjórnast allt af græðgi nokkurra manna og sem meira er að þeir koma til með að komast upp með þetta algjörlega. Við hin sem eigum engan flatskjá, ekki einbýlishús, bíl sem er að hruni kominn, við eigum að borga og svo er talað um að allir hafi tekið þátt í græðginni...mér er eins og fyrr segir óglatt og verður enn meira óglatt þegar Brimborg auglýsir "KREPPAN ER FARIN" jáhá greinilegt að menn eru í engum takti við veruleikann.

Svo segir Steingrímur Joð Hollendingum að hafa engar áhyggjur þeir fái peningana sína tilbaka, allt  í lagi þeir íslendingar sem ekki eru farnir á hausinn þeir borga þetta bara tilbaka, en ekki þeir sem komu okkur í þetta nei......Auðvitað er meira áríðandi að borga Hollendingum heldur en að koma í veg fyrir að Íslendingar svelti því þannig er staðan að verða á andskoti mörgum stöðum

Yfirliði kveður með æluna í kokinu 

Hætt að skilja og kannski skildi ég aldrei

Hvað er verið að gera og meina með þessu, ég bara skil ekki alveg. Afhverju er alltaf verið að hugsa um hvernig eigi að bjarga öllum nema þeim sem eiga í vandræðum. Sá í einhverju blaði að Þorgils óttar hafði farið fram á gjaldfellingu á einhverjum rúmlega 500 mill en svo hafði hann borgað út í hönd 45 millur í eitthvað hús og fengið rest á láni......
Hvaða leiðir eru fyrir mig get ég óskað eftir niðurfellingu minna skulda sem eru hlægilega litlar miðað við 500 millur, nei ég skal gjöra svo vel að borga mínar og vel það...

Yfirliði kveður gáttaður...

„Svona er bara lífsins gangur“

Jákvæðni framleiðir ekki peninga er búin að reyna það ;(

Ég ætla að vera hrikalega neikvæð svona í upphafi allavega. Ég er komin með svo yfir mig nóg af þessu ástandi hér á Íslandi. Hvað er verið að gera til að bjarga fólki, er ekki að segja að auðvitað á fólk að borga skuldirnar sínar, en hvernig á fólk að gera það!!!!!

Ég er ein með tvö börn á framfæri, ég bý ekki í neinu sloti heldur keypti 80fm rúmlega blokkaríbúð, ég þarf að borga jafnmikið af minni íbúð eins og hjón sem þó hafa helmingi meiri tekjur. Ég fæ reyndar meðlag sem á að dekka helming útgjalda á móti mér (sem það gerir ekki allavega ekki með ungling sem er í menntaskóla) sem reyndar þýðir að ég hjálpa henni lítið sem ekkert. Ég fæ barnabætur á 3ja mánaða fresti sem við getum deilt niður og þá eru það um 30 þús á mánuði samt á ég að borga það sama og hjón eru að borga fyrir sína blokkaríbúð.. Hvar er einhverja hjálp að finna...hvergi sýnist mér ef maður borgar ekki sína reikninga (getur það ekki) eru bréf frá lögfræðingum farin að detta inn um lúguna, þá þarf maður að semja og auðvitað vill fólk yfirleitt semja en hvernig á það að geta borgað þegar allt hækkar. Evran lækkar en samt hækka t.d. föt. Það er hátíð ef maður kaupir ný föt á litla barnið því bara að kaupa einn jogginggalla kostar á bilinu 5-8 þús, að fara til tannlæknis kostar aldrei minna en 18 þús bara skoðun þó svo að ekkert hafi verið gert, svo maður tali nú ekki um ef eitthvað bilar á heimilinu eða bíllinn þetta er nottlega bara djók.

Ég kem ekki til með að skilja hvernig maður á að merja þetta, ég hugsaði þegar hrunið varð að ok eftir 3 ár yrði þetta ögn kannski farið að skána, tekur auðvitað lengri tíma enda segi ég skána. En nei núna 2 árum rúmum eftir hrun þá er hvað EKKERT að skána. Og það sem meira er að maður getur ekkert annað gert en að sætta sig við þetta, hvað er búið að vera mikið af mótmælum og fleiru slíku en það er ekki hlustað.

Ég t.d. hef ekki hugmynd um hvert ég ætti að leita í fjármálavanda, og ef ég er í fjármálavanda þá verð ég að bíða þar til vandinn er orðinn svo stór því það er ekkert gert fyrr en þú ert komin í meiriháttar vanskil, ég er komin í vanskil með eitt húsnæðislán, sem þýðir að ég verð alltaf mánuði á eftir, ég á núna t.d. 8 þús fyrir mat og bensíni út mánuðinn hvernig á það að fúnkera uuuu ekki grun. Ég get ekki endalaust beðið kall föður um hjálp ég veit ekki hvenær ég get borgað honum og ég vil ekki biðja um hjálp frá honum enda var það ekki hann sem kom mér í þetta. Ég er reið, neikvæð og örg í dag út af þessu öllu. Mann langar að gera eitthvað fyrir börnin sín en maður getur það ekki, það er alveg sama hvað fólk segir oft "hvað það er hægt að gera margt sem kostar ekki peninga" ok lautarferð (kostar peninga þú vilt hafa nesti" sundferð (kostar sko alveg peninga 480 kr fyrir mig i´sund) ofl ofl. Það kostar allt orðið svo mikla peninga.

Ég er búin að reyna að vera svo jákvæð undanfarið en það skilar mér engum peningum, þó ég vildi reyna að vinna meira þá er enga vinnu að hafa, ég er í 90% vinnu og það er ekki að duga. Ég er komin með nóg, Brynja segist ætla að búa erlendis eftir menntó, kannski fer ég bara líka hver veit því klárlega verður ástandið ekki orðið betra hér eftir 3 ár og ég þá orðin eignalaus og búin að tapa því litla sem ég átti.

Ég ætla að reyna að halda haus enda á maður ekki að láta börnin sín finna svona áhyggjur alls ekki því það dregur þau bara niður, þau verða alltaf í forgangi svo mikið er víst og upp að eins miklu leyti og ég get haft þau í forgangi.

Ég gef skít í ríkisstjórnina og þó sérstaklega þessa helvítis aumingja sem komu okkur í þetta hvað sem þeir heita......

Yfirliði kveður sorgmæddur yfir því að það er verið að drepa litla manninn á Íslandi 

Lífið

Var að vinna tvöfalt um helgina en skaust á laugardag á milli vakta á Fræðsluþing MND félagsins í Oddfellow húsinu. Þetta var stórkostlegt svo ekki sé meira sagt, maður var vakinn til umhugsunar um ýmislegt.  Guðjón formaður MND félagsins er vægt til orða tekið ótrúlegur maður ég get eiginlega ekki lýst því neitt meira, fólk verður að sjá hann og hitta til að skilja mig. MND félagið afhenti heimahjúkrun svo að gjöf hjálpartæki sem eru auðveld í flutningum bara frábært. Frábær dagur að öllu leyti. 

Ég var ein heima um helgina, Katla var hjá pabba sínum og Brynja var að keppa í borg óttans. Töpuðu 1-0 á móti Breiðablik en unnu Aftureldingu 7-2 (held það hafi verið eldingin) Bara flott hjá þeim. Enda svo sem hefði bara ekkert verið gaman að vera heima um helgina, kom ekkert heim allan laugardaginn, og rétt kom heim til að sofa smá á sunnudaginn;) Enda stungu báðir kettirnir af, Snúður fór niður í Munka var samt voða feginn þegar ég sótti hanní gærkvöldi en Róni fer sínar eigin leiðir og er kominn og farinn aftur;)

Ég er búin að vera arfaslæm í maganum núna sl daga. Enda borðað hveiti og sykur svo ég er asni og má vera slæm í bamba. Tek mig á núna og reyni að gera mig aftur góða eins og ég var að verða, getur tekið allt upp í 4 vikur þegar maður svindlar svona;( En þegar maður er á svona fræðslu þá borðar maður bara það sem er á boðstólum og það var súpa og brauð::)

Búin að sofa ferlega illa sl 4 nætur, kannski bara afþví að Katla mín er að heiman hmm veit ekki. Fæ svo 4ra daga helgarfrí um næstu helgi og er að fara í breytingu á föstudagsmorgun, ætla að prófa að fara á hárkompuna til hans Hemma og láta hann gera algjöra breytingu á hausnum á mér eitthvað svaðalegt;) En ég á enn hana Írisi mína á Design bara svo mikið að gera hjá stelpunni;) Katla getur ekki beðið eftir að fara til hennar alltaf að tala um hjartað sem hún fléttar alltaf í hana snillingur, enda er að koma tími á litla barnið.

Best að fara að drullast í vinnuna, ætla að taka Hafliða í rassgatið í hádeginu ef ég hef tíma

YFIRliði kveður sætur að vanda 

 

Genó ekki Hof:)

Hofið opnað í gær með viðhöfn, við ætlum að fara að skoða það í dag, Katla kallar það alltaf Genó veit ekki afhverju, samþykkir bara ekki að það heiti Hof:)

Fer á setningu tónlistarskólans þar á morgun en Katla er að byrja í honum og ætlar að læra á fiðlu, pabbi hennar þarf að læra með henni í nokkrar vikur til að geta leiðbeint henni, verður gaman að sjá hvort hún hafi þolinmæði í þetta haha en hana hlakkar mikið til allavega.

Brynhildur og Katla eru að ná þvílíkt mikið saman þessar vikurnar, dunda mikið og finnst voða sport að fara í heimsókn til hvor annarrar án mömmu;) Voru meira og minna að leika í allan gærdag, ýmist hjá mér eða Hildi, fórum með þær í berjamó og svo tók ég þær með á fótboltaleik sem þær entust meira að segja á eiginlega allan tímann. Rosa gaman:) Eru ólíkar að mörgu leyti og rífast stundum en eru að læra á frekjuna í hvor annarri og ná að sjatla málin stundum;)

Brynja mín meiddi sig á leiknum í gær á lokamínútum gaf markmaður Fylkis henni þokkalega á kjaftinn, líklega misst meðvitund í nokkrar sek, sprungu báðar varir, mikið bólgin og marin á nefi, og auga. En hún kláraði leikinn og kom svo heim eins og hún orðaði það sjálf "Frankenstein" en þær unnu leikinn 3-1 ;)

Ekki getað hreyft mig sem skildi í vikunni vegna magaverkja en samt x 3 en bara minna en venjulega, svindlaði um síðustu helgi og missti mig í súkkulaði og hefndist fyrir það alla vikuna, en að ég hefði nokkuð lært og datt í nammi á föstudag en ekki eins mikið og um síðustu helgi þannig að ég er ekki alveg eins slæm, verð bara að sætta mig við að ég MÁ ekki svindla það er bara þannig. En skrokkurinn líður fyrir þetta hreyfingaleysi er frekar slæm i öxlum og hálsi og bara allsstaðar núna. En ætla að bæta þetta upp í vikunni, verð að reyna líka að hreyfa mig aðeins í dag.

Fer í magaspeglun 5 okt, var hringt kl 13 á miðvikudag og mér boðið að koma á fimmtudag og ég neitaði og strax og ég var búin að leggja á sá ég eftir því, gott að klára þetta bara frá og fá að vita hvað er að .... en svona getur maður verið heimskur, skal viðurkenna að mig kvíðir mikið fyrir svona magaspeglun hef aldrei farið í þetta og veit bara að þetta getur verið mjög óþægilegt en ....hefði átt að drífa mig.

Vinnuhelgi um næstu helgi dobblað s.s. bæði morgun og kvöldvaktir en svo langt helgarfrí sem verður sko frábært.

Er að tapa mér þar sem KAtla mín vaknar alltaf kl 06 og vill ekki sofa á daginn lengur og er því sofnuð upp úr kl 19 en það er svo sem gott ef eg gæti bara haldið mér við að fara í bælið í kringum kl 22 þá myndi þetta vera í lagi úffff...

Best að horfa á Bubba Byggi í smá stund, litla barnið hætti bara að horfa og fór að leika sér í dúkkuleik þannig að eins og oft áður þá sit ég og horfi;)

Yfirliði kveður  

 

Enika menika allir vilja peninga já eða þurfa.....

Ótrúlegt þegar vinnutörn er framundan hjá mér þá fæ ég þetta hrottalega kvef, úff ekki sátt með það en kemst í gegnum það eins og allt annað sem ég ætla mér Ekki fengið kvef síðan kirtlarnir voru teknir og ég held ég hafi haldið að ég myndi aldrei fá kvef aftur þannig að ég er fúl hahaha... Vinn tvöfalt fimmtudag og föstudag þannig að maður nær smá aukaaur í vasann sem veitir ekki af.

Vantar eiginlega aukavinnu aðra hverja viku á kvöldin miðvikud-sunnudags ef maður dettur ofaná eitthvað slíkt, spurning um að auglýsa bara eftir slíku. En sé til með það yrði kannski of mikið með 90% í heimahjúkrun en einhvern veginn verður maður að ná endum saman og það er svona á mörkunum að maður geti það núna...

Katla að fara til pabba síns á morgun og eins og venjulega kvíði ég fyrir en ég er svo sem að vinna allan tímann eiginlega og um helgina verð ég að klára að mála smá hérna og rífa eins og eina hurð í burtu og taka til í þvottahúsinu og og og endalaus verkefni sem mann reyndar vantar "pening" fyrir, þetta er alltaf spurning um pening.

Pabbi var í smá aðgerð í dag sem gekk svona ljómandi vel, við Katla fórum í húsvitjun til hans eftir leikskóla og henni fannst mjög merkilegt að skoða umbúðirnar á afa sínum, stal sér svo sykurmola og var bara sátt, alveg sama hvað pabbi býður henni hún vill helst bara fá sykurmola þegar hún kemur þangað og ef maður lítur af henni er hún búin að fylla alla vasa og lúkur af sykri og vill bara fara með fenginn;)

Búin að vera dugleg að hlaupa og hleyp minnst 3 x í viku núna, stundum 4 x og það er eiginlega best, finnst fínt að eiga frí um helgar og bara gera ekki neitt nema kannski fara út að hjóla eða eitthvað. Langaði á Súlur á laugardaginn en ætla að sjá til hvernig kvefið verður ef ég verð þokkaleg æði ég kannski bara af stað.

Tíminn líður svo óhugnanlega hratt að ég gleymdi að fylgjast með tímanum og varð því of sein að sækja um í fjarnámið í VMA, og þ.a.l. að láta meta mig inn í stúdentinn að loknu starfsnámi en drullast kannski í það fyrir áramót, hef grun um að ég eigi alveg sáralítið eftir. En svo er spurning að fara og sækja öll þau námskeið sem maður getur til að hækka sig í launum það er alls ekki svo galið, fyrst það á ekki að bjóða upp á framhaldið í Geðhjúkruninni strax en ég ætla klárlega í það þegar að því kemur. Til að hækka í launum verður maður stöðugt að vera að uppfæra sig í námi, er ekki viss um að mig langi í háskólanám bara alls ekki en maður veit aldrei, kannski þegar stúdentsprófi verður landað, verð kannski með Brynju minni í háskólanámi en líklega ekki í sama skóla þar sem hún ætlar held ég ekki að vera hér í námi.

Best að góna á "Life" og fara svo að sofa, þarf að klára að ganga frá leigusamningi á morgun og tæma geymsluna í hádeginu, leigjandinn er kominn þannig að það er nú eins gott að græja þetta;)

Yfirliði kveður í hálfgerðu yfirliði 

Góð helgi að enda

Veðrið búið að vera snilld um helgina. Henti mér hér á pallinn í sólbað kl 09 í morgun og lá þar í tæpan klukkutíma þá var orðið heldur heitt Pabbi kíkti í morgunkaffi og harðfisk og spjölluðum mikið eins og við eigum vanda til. 

Við Brynja brunuðum svo á Handverkshátíð, keyptum okkur sápur, eyrnalokka og hárband svo eitthvað sé nefnt. Síðan fórum við í Holtasel í ís og almáttugur hvað ísinn þarna er góður, ætlaði að fá mér hundasúruís en hann var ekki til Fer aftur síðar í vikunni og kanna málið. Fékk reyndar hrottalega í magann eftir átið en maður verður nú bara að leyfa sér smá og kveljast þá smá Líður hjá eftir nokkra tíma, vona að það verði búið áður en ég fer að vinna haha svo ég verði ekki í keng með gamla liðið mitt.

Brynja var að vinna í 10 tíma á Greifanum í gær og annað eins í dag líklega erum svo duglegar mæðgur að það hálfa væri nóg. Lágum svo báðar eins og sprungnar blöðrur hér upp í sófa og horfðum á mynd um miðnætti í gær;) Ég var búin kl 23 en hún 24 þannig að kvöldið var ljúft það litla sem við áttum saman af því;)

Á föstudagskvöldið ákvað ég að breyta aðeins til hjá mér og henda einni kommóðu inn í herbergi til mín sem var á ganginum en sú breyting kostaði 2ja tíma vinnu því ég þurfti alltaf að breyta einhverju öðru og svo öðru þannig að þegar Brynja kom heim um nóttina sagðist hún hafa haldið að hún hefði farið inn í vitlausa íbúð hahahahha en þetta varð allavega til þess að ég gat hent heilum svörtum ruslapoka af drasli þannig að það greinilega var þörf á þessu. Á eftir að finna smá lausn á forstofunni hjá mér, mig vantar svo pláss þar s.s. stærri forstofu haha;)

Ætla held ég að leggja mig í smá stund er alls ekki góð núna allt þessum ís að kenna bwahahah

OFURliði kveður stútfullur af yndslegum ís;) 

Barasta allt að gerast

Það er ekki að spyrja að þessu, versló búin og núna er fiskidagurinn á Dalvík og handverkshátíð á Hrafnagili ja svei maður þarf bara að hafa sig allan við;) Ekki að ég sé á leiðinni neitt nema á handverkshátíðina að skoða síðan ætla ég að ná mér í nokkrar aukakrónur um helgina og vinna aukavaktir jájá fyrst maður á engan kall til að borga fyrir sig...myndi ekki vilja kall nema bara til þess að borga fyrir mig 

Alltaf verið að spyrja mann, "hvað ekki neitt að deita" uhhhh nei "hvað er þetta afhverju" og fólk skilur ekki þessa fullyrðingu "afþví ég hef bara ekki áhuga, mér liður ágætlega einni" afhverju verða allir að eiga KALL..Jahér og hér en eins og ég segi að ofan það væri fínt að eiga KALL til þess eins að fá smá aur hjá honum bwahahahahahha

Ein gömul horfði lengi á mig í gær og sagði svo, hvað hefurðu eiginlega gert, ég setti upp "veit ekki neitt" svipinn og þá sagði hún þú lítur út fyrir að vera 10 árum yngri en þegar þú komst síðast ´Ég sagði henni að kannski væri það vegna þess að það eina sem ég æti þessa dagana væru möndlur og hnetur og eitthvað slíkt jukk hahah OHHHH ég er s.s. bara 27 ára núna takk fyrir góðan daginn 

Brynja er farin suður að keppa með meistaraflokki og er meira að segja í byrjunarliði OHHHHH ég er svo montin. Kemur heim aftur í nótt og er eins og ég að vinna á kvöldvöktum um helgina. Annars ætlaði ég að gera svo margt um helgina, endurskipuleggja aðeins hjá mér og fara yfir draslið hennar Kötlu en ef ég ætla að gera allt sem ég ætlaði þá kemst ég held ég ekki yfir nema lítið brot þannig að líklega er best að gera bara ekki neitt

Gaman í vinnunni minni, elska þessa vinnu, sérstaklega þegar einhvers er krafist af mér eitthvað svona öðruvísi en venjulega, finnst pínu gaman að stjórna og elska að skipuleggja en því miður fæ ég ekki mörg tækifæri í þessu starfi en reyni samt eins og ég get;)

Fór með bílinn í skoðun í gær og auðvitað fékk gamli Gráni skoðun án athugasemda þrátt fyrir að verkstæði hér í bæ hefði haldið því fram að ég þyrfti að láta skipta um þetta og hitt s.s. viðgerð upp á ca 50-60 þús áður en ég fengi skoðun jáhá svona er verið að reyna að græða á manni, enda ætla ég á annað verkstæði næst klárlega.

Á tíma hjá lækni á fimmtudag og verður þá vonandi ákveðið nánar hvað á að gera við mallann minn, þoli frekar illa alla fasta fæðu, lifi núna meira og minna á herbalife shake svona til að borða eitthvað og merkilegt nokk þá fæ ég ekki í magann af því og reyndar ekki af brauði sem ég baka sjálf en flest annað veldur óheyrilega miklum sviða/brunatilfinningu í maganum. Kæmi mér ekki á óvart þó ég væri með sár þarna innan í mér, en kemur í ljós hvað verður reynt næst á fimmtudag allavega er 8 vikna skammtur af magatöflum að gera minna en ekkert gagn er verri ef eitthvað er, enda hætti ég að taka þær

Búin að vera dugleg að hreyfa mig í allt sumar og það hefur skilað sér í miklu betri skrokk er gríðarlega sveigjanleg og hreyfanleg sem ég verð að vera í vinnunni minni;) Hleyp ca 5 km 4-5 x í viku og reyni að lyfta ca 2-3 í viku svona fer eftir því hvað tíminn leyfir;) Ohhh ég er svo dugleg að það hálfa væri helmingi meira en nóg:)

Best að fara að vinna, matartíminn liðinn undir lok svo adios

OFURliði kveður fallegur;) 

Berjamór og Ein með öllu

Dúndruðum okkur í bæinn við mæðgur með Hildi og dætrum til þess að sjá hann Sveppa sem og við gerðum. Fórum svo og fengum okkur, blöðru, candyflos og pylsu allt eftir kúnstarinnar reglum og svo heim bara. Katla var ekki alveg að fíla þennan hávaða og læti og bað mömmu sína vinsamlega um að fara heim;)

Skruppum svo aðeins úr í Krossanesborgir til að klifra á fjallið eins og Katla segir og finna ber, skoða fugla og svona eitt og annað. Fundum ótrúlega mikið af berjum og týndi Katla meira upp í sig en í dallinn en náði samt að fylla hann. Henni finnast grænjaxlar ekki síðri en þau bláu

 Snýr vitlaust en nenni ekki að breyta því en þarna var hún í óðaönn að gúlla í sig þeim bláu;)

 Þetta komst þó í dallinn og ætlar hún sko að fá sér skyr, ber og rjóma og MIKINN sykur á morgun.

 

 

 

 

 Og svona voru margar þúfur enda sú stutta ákveðin í að fara þarna á morgun og týna restina sem  hún þurfti að skilja eftir, var alls ekki sátt;)

Búinn að vrea fínn dagur, Brynja og frænka hennar farnar á djammið en Brynja á að vinna svo á morgun frá kl 14-18 og þá er hún hætt í Gallabuxnabúðinni. Annars alltaf eitthvað sem kemur upp, var byrjuð hjá bænum að vinna í Hamri við þrif og var þá boðin meiri vinna hjá Þórsurum að vinna við leikjaskólann, síðan er hún að fara að vinna á Greifanum um næstu helgi þannig að það er ekki hægt að segja að þessi elska sé löt, hef ekki við að fylgjast með henni ;)

Best að fara að halla sér fljótlega verður vaknað snemma á mínu heimili ef ég þekki litla genið rétt.

OFURliði kveður glaður