Lífið og tilveran í hnotskurn á 1. maí

Vinna á morgun er ég að nenna því uuuu nei. Vinna á sunnudag og það er sama svarið við því. Hef ekki pössun fyrir Kötlu á sunnudaginn nema bara til að verða hálftíu þannig að hún verður aðstoðarmanneskja mín eftir það. Búin að fá um 15 % vinnu á Hlíð sem gera alveg heilar 3 vaktir á mánuði en mér finnst það fínt, fer svo líklega í aukningu í haust í heimahjúkrun sýnist allt stefna í það þar sem sjúkraliðar eru svo duglegir að fjölga mannkyninu:) Góður Svava góður:) Halda þessu svo bara áfram::)

Búin að vera að þykjast hjálpa Hildi að flytja, pabbi og Guðmundur hafa málað og sparslað alveg eins og berserkjar, og ég setti ALLT límband á lista sem þurfti en ég hef heldur ekki gert meira en það haha..ætla að fara á eftir og hjálpa við að henda inn í skápa og svona, gaman að þessu, hlakka til þegar ég fer í þennan gír:) Styttist vonandi styttist:) Búin að fá brillíant greiðslumat þannig að ég get keypt þá íbúð sem ég er að voka yfir, er bara aðeins að hinkra og sjá hvað verður um íbúðina hennar mömmu, fólk að bíða eftir að fá að skoða.

Litli pungur sem leigir íbúðina hennar átti að fara út í gær, en aldrei skiluðu lyklar sér þannig að ég fór í morgun og kíkti á glugga og þar var enginn en samt fullt af einhverjum draslhúsgögnum, en á eftir að fara inn í hana og kanna hvort skemmdir séu miklar...púff, er að reyna að ná í hann en er hann eitthvað að svara mér NEI hann nennir ekki að hafa fyrir því þetta andsk......kv.....Aumingja sá sem er að fara að leigja honum fokk.

En sólin kíkir út á milli skýjanna og ég er búin að þvo þvílíkt fjall af þvotti og grýta út, komin á glænýjan polo sem prumpar ekki lengur en tekur furðuleg stökk engu að síður sem er glænýtt, hann er reyndar hættur að koma mér á óvart greyið:)

Sótti um fyrir Brynju niður í Brim og fékk hún vinnu í snyrtingu og það sem meira er að hún er bara sátt við það enda gefur það henni held ég ágætan pening og hún getur stundað fótboltann án þess að vera stressuð, er þannig vinnutími. Enda held ég að allir hafi gott af því að prófa að vinna í fiski, mér fannst það alltaf mjög gaman, kannski ekki vinnan sjálf heldur samstarfsfólkið:) Stemning í liðinu...allavega gott að hún er komin með vinnu. Bónus var ekki að virka þar sem hún á æfingar kl 18.30 í sumar og þá hefði hún bara nokkrar mínútur til að koma sér heim og skipta um föt og mæta á æfingu, tja ég er fegin.

Einn frændi minn lést í gær úr krabbameini, hann hét Helgi Jökuls. Þekktur á Húsavík, var með fyrirtæki þar og var mjög góður kall...en svona er lífið, erfitt fyrir pabba að enn einn vinurinn hverfur á braut en svona er það að eldast, maður sér félagana hverfa einn á fætur öðrum og maður verður þá svo meðvitaður um að þetta kannski hefði getað verið maður sjálfur.

Var á fræðslu í vinnunni um sorg og sorgarviðbrögð í vikunni og þar kom ótrúlega margt fram sem ég hafði aldrei hugsað út í, t.d. hvernig fólk gefur manni kannski hint um að það langi að tala um dauðann en maður er stundum alls ekki vakandi fyrir því, verð það hér eftir. Einnig á maður að hvetja fólk svolítið til að ræða dauðann, er bara af hinu góða því eins og sú sem var með fræðsluna sagði "það er bara tvennt sem fólk getur verið 100% visst um og það er að maður fæðist og maður deyr"

Ofursjúlli kveður þenkjandi

 

Working bitch

Vöknuð fyrir þónokkuð löngu síðan, vaknaði held ég við að einhverjir eru að dimmitera::) NEma einhver sé bara svona glaður upp á morguninn hvað veit maður.

Ákvað um daginn að senda mail á deildarstjórana alla saman á Hlíð til að kanna með smá aukavinnu í sumar með heimahjúkrun,  bjóst alls ekki við jákvæðum viðbrögðum en ég get fengið vinnu á 3 stöðum já sæll:) En ég verð að vinna eitthvað á Eini/Greni fram að sumarfríi, þetta er samt ekki nema 3 vaktir í mánuði eða eitthvað en það er fínt samt enda vildi ég ekki meira.  Gott að vera sjúkraliði og enn betra að vera sérhæfður, spurning um að slúffa rafvirkjanum haha nei hann er bara enn á bak við eyrað:)

Kuldalegra úti núna heldur en síðustu daga, hefur greinilega rignt.

Vá hvað mér finnst fólk þurfa að passa sig þegar það er að tala um Svínaflensuna. Það talar mjög mikið um þetta núna "eðlilega" en átta sig ekki á því að þau eru að gera unglingana okkar meira en lítið hrædd með setningum eins og "þessu er líkt við Svartadauðann" halló unglingar vita hvernig svartidauðinn var og verða skíthrædd. Finnst líka bara að Haraldur Sótt ætti kannski að útskýra hvað getur gerst, og slíkt því það eru margir mjög skelkaðir, sjá svo í fréttum að það er verið að loka skólum úti og fleira...við verðum að fræða unglinana okkar..takk fyrir

Polo fer í viðgerð á eftir var að spá í að renna honum bara niðureftir áður en ég fer að vinna, en sé til, kannski getur einhver bjargað mér í dag.

Ofursjúlli kveður á leið í vinnuna sína  

Húsmóðurlaun

Afhverju ætli það sé ekki launað að vera húsmóðir, nema jú með ánægjunni sem því fylgir. Er reyndar ekki það mikil húsmóðir að ég sé haldin einhverri vellíðunartilfinningu allan daginn yfir því að vera húsmóðir. Ég meina ég vinna til kl 13 og eftir það er ég húsmóðir í 100% vinnu þar sem það þarf að þvo þvott, halda heimilinu hreinu, hugsa um mat og allt þetta sem fylgir því að eiga heimili...já ég er frekar pisst.....Hef t.d. ekki verið í meiri vinnu því einhver þarf að hugsa um heimilið og barnið og slíkt en það skilar sér alls ekki í aur, helvítis fokking fokk..

Næst ætla ég að bjóða upp á jákvæðni:) Alltaf að velta fyrir mér einhverju spennandi og nýju, hringdi upp í VMA og var að velta fyrir mér rafvirkjun hvað segjum við um það. Er reyndar bara boðið upp á það í dagskóla en ég hugsa að ég gæti það samt með því að vera rosalega dugleg:) Ætla að velta þessu fyrir mér aðeins lengur að mörgu að hyggja, og sem meira er að ég er bara búin með helling af einingum upp í þetta nám...já sæll, gott að geta tekið að sér smá verkefni svona aukreitis, nú já eða bara séð um rafmagnið fyrir sjálfan sig því ekki er það  nú gefið að fá rafvirkja til starfa:) Allt í skoðun.

Hildur sys fær lyklana að nýju íbúðinni sinni í dag og verður hafinn flutningur ef heilsan hennar Brynhildar litlu leyfir, búin að æla í um 6 daga en virðist ögn að hressast, var alveg orðin undin af öllum vökva og mjög slöpp, enn sem komið er hefur hún samt sloppið við innlögn. fór til hennar aðeins áðan og gaf henni ostapopp og eplasvala, og hún var ánægð með það litla skinnið. Krossum putta að þetta fari nú að enda. En já flutningadagar framundan og það er bara spennandi en stressandi líka sérstaklega fyrir systir:::) Þetta kemur allt...

Katla var voða spræk áðan, búin að leika sér úti í 3 klst og var mjög þreytt við heimkomu, sofnaði svo til strax. Þegar hún vaknar þurfum við að bruna með Polo á Max1 en þeir þurfa að mæla eitthvað fyrir hvarfakútinn sem by the way þá kostar orginal 270 þús og ég svitnaði því þá væri hvarfakvikindið dýrari en bíllinn minn, en hann bætti svo við að það væri hægt að fá mixaðan fyrir 55 þús fyrir utan vinnu sem væri 15 þús já sæll, verðmætur bíll sem ég kem til með að eiga fyrir rest, en eins gott að maður fær orlof og orlofsuppbót, alltaf eitthvað sem maður getur gert við svona aukapening.

Best að fara að láta litla barnið rumska, blíðuveður og við á leið með polo á verkstæði

Ofursjúlli kveður kannski verðandi ofurraffi hver veit..... 

Almáttugur

Hvað er að fólki, getur það ekki drullað bara heima hjá sér, og hverju átti þetta að skila....ekki er Ísland betra fyrir vikið, ég er stórlega hneyksluð, vona að viðkomandi hafi meitt sig í görninni á meðan hann skeindi sig....

Ofursjúlli kveður og skeinir sig með Papco

Skeindi sig með kjörseðli

Kosningar í dag:)

Hverju skyldi það nú breyta samt fyrir okkur.  Vona að kosningar fari eins og skoðanakannanir hafa verið að gefa í skyn en ekki þannig að lygamerðirnir í sjálfstæðisflokknum komist einu sinni enn við völd, ekki það að ég hafi miklar áhyggjur af því, svaf allavega bærilega í nótt

Við Katla stukkum á lappir kl 7 þýðir ekkert að slóra sko:) Fórum að fá okkur að borða og svo smá gotterí í skál og horfum núna á Póstinn Pál, ekki amarlegt sjónvarpsefni

Ætla að skella mér og kjósa sem fyrst þegar opnar, gott að vera búinn að ljúka því af, síðan ætla ég að fara og kíkja á akurinn minn í dag, en það er opið hús hjá garðræktinni eða hvað þetta heitir og ég ætla að fara að skoða jörðina Verð góð þegar farið verður að týna upp allt þetta eðal grænmeti *slef*

Búin að sækja um meiri vinnu upp á Hlíð og bjóst alls ekki við neinum viðbrögðum skal ég segja ykkur en jújú það er bara barist um mann:) Get fengið aukavinnu á 2 deildum og ég vona að ég fái á þeirri sem ég var í verknáminu síðasta sumar, skemmtileg deild. Heyri í deildarstjóranum á mánudag, svo ef ég fæ ekkert meira í heimahjúkrun þá líklega verð ég að flytja mig yfir nenni ekki að vinna á mörgum stöðum, hef reyndar fulla trú á því að ég fái meira á Hlíð með haustinu:) En svona er þetta.

Búið að vera mikið bras á manni síðustu daga, mikið af pappírum sem þarf að finna, mæta hjá þessum kl þetta og slíkt, en vonandi gengur þetta hratt og vel í gegn og ég verð flutt áður en ég veit af...yeah right verð hér fram að jólum miðað við mínum heppni.

Best að sinna litla geninu mínu

Kjósið eins rétt og hægt er við aðstæður Íslands í dag

Ofursjúlli kveður og setur X við V 

Allt að gerast já eða ekkert !!!!!

Eftir því sem maður er með fleiri sjónvarpsstöðvar þá er minna að horfa á í tv, meikar það sens...veit ekki sko. Snilldar veður búið að vera í dag, ég búin að afreka ýmislegt, sumt meira spennandi en annað, allavega fann ég hestalykt í dag og það gamla hrossalykt sem vakti upp í mér ógleði *æl* ekki gott þegar svona lykt er í heimahúsi en ekki bara hesthúsi Fórum og fengum okkur ís, kíktum á eina íbúð, lékum okkur aðeins úti og fórum svo inn að slást dagurinn í meginatriðum, allt í lagi bless:::)

Er í algeru rugl skapi núna, sem svo oft áður. Er líklega bara kominn með sama fílinginn og beljurnar þegar þær sleppa út á vorin Kosningar um helgina og ég er sko alveg búin að plana hvað ég ætla að kjósa og það verður ekkert X við D hjá mér, over my dead body. Nei eins og vorið græna verður það grænt enda flokksbundin þeim og ekkert múkk um það meir Fer á laugardaginn að skoða matjurtargarðinn minn, jájá ég er komin með matjurtagarð og ætla mér að skutla í hann böppum, gulrótum og einhverju fleira spennandi 30 fm akur haha skal nú segja ykkur það:) 

Ætlaði að kíkja í kaffi til pabba í morgun, en það var svo brjálað að gera hjá honum í vorverkunum að ég kíki bara á hann á morgun. Stoppaði samt og spjallaði við nokkra heldri borgara þarna í Lindarsíðunni og hélt svo áfram að vinna aðeins:) Búin að fá að vita sumarfríið mitt og fer ég í frí 20 júlí og verð til 25 ágúst já sæll bara sjálfur:)

Verð vonandi komin á nýjan stað þá og ligg bara í sólbaði á flotta pallinum mínum tja segi svona

Ofursjúlli kveður ofurruglaður

Þessi fallegi dagur.....

Sól og blíða bara þegar maður kíkir út um gluggann. Vonandi ekki bara gluggaveður því ég er komin í stuttarana og hlýrabolinn og klár í að verða svöl haha nei kannski ekki alveg. 

Erum að fara í vinnuna okkar við Katla, Brynja er í fríi fyrstu tvo tímana þannig að hún hrýtur, Eyþór er farinn eftir að hafa vakað í mestalla nótt við að vinna er hann farinn suður, já vinnan er manni allt svei mér þá.

Fór og þreif bílinn minn svo vel um helgina að ég hef ekki hreyft hann síðan, haha. Pabbi setti svo sumardekkin undir fyrir mig og fengum við aðstöðu í Einholtinu enda hver að verða síðastur til að nýta planið þar:) 

Best að fara að koma barninu í föt og koma sér af stað

Ofursjúlli kveður bjartsýnni en oft áður 

Randaflugur og sumar væri gott ef væri bara sumar án randaflugna!!

Dagurinn nokkuð verið tíðindalaus fyrir utan að ég sá randaflugur og my gad hvað hárin risu á mér, ef það er eitthvað sem ég ekki þoli þá eru það þessar röndóttu þyrlur *hrollur* þegar ég bjó á Húsavík, var nýflutt í sjúkrahúsíbúðina mína þá var ég í sturtu, sneri mér við og sat ekki þessi óhræsis röndótta hlussa beint á móti mér í sturtunni. Ég trylltist reif tjaldið frá (án þess að skrúfa fyrir) þaut berrössuð að símanum (gaman fyrir þá sem sáu inn um gluggana) hringdi neyðarkall í mömmu, vafði utan um mig rúmteppi og beið hríðskjálfandi þar til sú gamla kom og fannst nú dóttirin frekar illa gefin held ég, og pæliði í því að hún bjargaði ófétinu, en ég fékk að þurrka upp ALLT vatnið sem var komið á gólfið...og þetta er ekki eina hryllingssagan sem tengist mér og randaflugum. Ég þurfti einu sinni að há baráttu upp á líf og dauða með símaskrá, ég er ekki að grínast að fluguógeðið ætlaði að drepa mig og í mínum augum var hún á stærð við þyrlu. En ég náði að henda símaskránni í hana þannig að hún steinlá og lá lengi undir símaskránni því ég þorði ekki að færa hana, þar sem ég var viss um að hún væri lifandi ennþá (sem var mjög líklegt þar sem símaskráin gamla var um kg að þyngd eða eitthvað) haha þetta er s.s. mín manía....

Fór til dr. Péturs í dag og hann setti mig á sýklalyf (einu sinni enn) vissi samt ekki algerlega hvað þetta væri en þetta væri orðinn allt of langur tími, á að fara í blóðprufur á mánudag ef ég verð ekki farin að skána verulega. Skil ekki þessar endalausu sýkingar en svona er lífið og einhver verður að láta þessa lækna hafa eitthvað að gera. Ekkert borðað í dag eiginlega þannig að ég fór og fékk mér sjeik áðan bara góður:) Á samt að drekka sem mest heitt og steinþegja eins og doksi sagði, s.s. hvíla röddina sem verður mjög erfitt fyrir mig þar sem ég er blaðurskjóða dauðans en verð að reyna, enda er ég enn og aftur hingað komin.

Katla lék sér lengi úti í dag með Brynhildi enda veðrið til þess á meðan ég húkti inni og reyndi að hlýða tilmælum doksa, gekk svona lala. Allavega ekki hægt að segja að ég taki orðið af fólki þessa dagana.  Kemur eitthvað nýtt hjá Kötlu á hverjum degi, nýtt í framkvæmd og nýtt í tali. Bara snillingur þessi krakki, skemmtilegur aldur líka.

Hugsa að ég fari fljótlega að leggja mig, er frekar sybbin eitthvað þrátt fyrir að gera ekki neitt, skrapp í kvöldkaffi til Hildar sem reyndist svo vera kvöld án kaffis því hún blaðraði svo mikið (allt málleysinu í mér að kenna) að hún gleymdi að gefa mér kaffi, pæla í þessu liði haha ekki að ég hefði haft lyst á kaffi onei.

Best að hætta að bulla og fara að halla mér, stefni á að biðja pabba setja sumardekk undir bílana okkar á morgun eða laugardaginn, neyðist liklega til að þrífa Polo aðeins áður en ég hleypi honum nálægt honum haha hann fengi sjokk, en hefur gaman að því að fá að gera þetta s.s. dekkjaskipti ekki of mikið sem hann hefur til dundurs.

Get bara ekki hætt svei mér þá.

Ofursjúlli kveður málglaður að vanda 

sjúddírarírei

Fór að skjálfa úr kulda hérna um kl 20 og ákvað að mæla mig og jú komin enn á ný með tæplega 39 stiga hita, á þetta engan enda að taka. Verð að fara að byggja mig betur upp og koma öllu í lag í kringum mig líka sem verður um mánaðarmótin vonandi allavega fljótlega eftir það:)

Er að horfa á despó á bara 2 þætti eftir af  3 seríu var aldrei búin að fjárfesta í þeirri 4, damn hefði betur verið búin að því núna fyrst maður er endalaust veikur.

Katla var eitthvað ómögleg í kvöld og sofnaði ekki fyrr en að ganga kl 22 líklega fundið ergelsið í mömmunni og verið bara ergileg með henni:) Fór á rúntinn með Móunni sinni í dag og kom voða kát heim og talaði non stop um kanínur, en þær höfðu rennt upp í Kjarna að kanna kanínustatusinn en engar séð, nema skottið var með þær í kollinum bara. Indriði vinur hennar af Bubbakoti fer líklega líka á Holtakot þannig að þau geta haldið áfram að vera vinir þar, bara krúttlegt. Fæ bréf á morgun eða næsta um hvernig aðlögun verður háttað, spennó, ætlum að reyna að vera eitthvað saman með henni og svo sitt í hvoru lagi líka, skipta þessu eitthvað á milli okkar.

Búin að vera í sambandi við fasteignasala í dag vegna íbúðar en eitthvað gengur erfiðlega að ná í eigendur af íbúðinni þannig að ekkert að gerast enn, vill að allt gangi ógeðslega hratt núna. Hlutirnir eitthvað að mjakast hjá Hildi þannig að ég vil líka að mínir hlutir mjakist:) Alltaf sama frekjan í mér.

Brynja er að fara í fermingarveislu um helgina á Krókinn hjá frænku sinni og ætlar kannski að koma aftur á laugardaginn til að ná framhaldsskólasöngkeppninni, verð að renna bara á móti pabba hennar eða einhverjum ef hún ætlar..no problem maður reddar því sem redda þarf:)

Ætla að halda áfram að horfa á despó undir sæng og krossa putta um að Pétur doktor hringi í mig á morgun en ég er búin að skilja eftir skilaboð til hans um það:) Við erum svo miklir pallar...er alltaf hjá honum hahahha

Ofursjúlli kveður heitur 

Þegjandi hás, skil meininguna núna

Jább þá er leikskólaplássið fyrir dömuna í höfn. Átti að fá bréf á miðvikudag en fékk ekki, átti að fá bréf í dag en fékk ekki þannig að það hefur líklega farið eitthvað annað en fékk það sent rafrænt bara í staðinn og hún má byrja á Holtakoti 11 maí takk fyrir í aðlögun jibbí.....verður samt skrýtið fyrir hana að hætta á Bubbakoti en það eru hvort sem er flestir krakkarnir að hætta þar en Anna og Svenni hafa bara verið svo einstök en svona er þetta:)  Verða töluverðar breytingar hjá henni ræflinum á næstunni, nýtt heimili, nýr leikskóli og svona en maður verður bara að passa vel upp á hana og svona svo hún ruglist ekki alveg í þessu öllu:)

Ég er enn mállaus, er eiginlega hætt að skilja þetta dagur 6 að byrja á morgun, ætla nú að fara til læknis og láta kíkja á hálsinn á mér, það ískrar ekki einu sinni, ef ég ætla að tala þá bara verð ég að hvísla. Er með mikið kvef en eiginlega enga hálsbólgu samt, tja hérna, samt tek ég vítamín og borða hollt, spurning hvort andlegt álag spili eitthvað hér inni hmmm gæti verið.  Þetta skeður alltaf orðið þegar ég fer í frí, hugsa að ég neiti því að fara í 4 vikna sumarfrí my gad..verð eflaust veik í 4 vikur hahah nei segi svona.

Katla svolítið ergileg í dag, mikið kvef í henni en átti alveg góð moment inn á milli blessunin. Farin að leika svo mikið með dúkkurnar sínar, skeinir þær hérna hægri, vinstri fussar og sveiar yfir skítalyktinni af þeim og svona.  

Best að fara að sofa og reyna að vakna talandi í fyrramálið, get ekki farið í vinnuna svona algerlega mállaus, flestir skjólstæðingarnir mínir meira og minna með lélega heyrn þannig að þetta er ekki nógu gott.

Ofursjúlli kveður í þögn